ମୁମ୍ବାଇ: ଲୋକପ୍ରିୟ ଅଭିନେତ୍ରୀ ତବ୍ବୁ ହରର କମେଡି ଫିଲ୍ମ ‘ଭୁଲ ଭୁଲୈୟା 2’ର ଅନ୍ୟ କଳାକାରଙ୍କ ସହ ସାମିଲ ହୋଇଛନ୍ତି । ଫିଲ୍ମର ଆଗାମୀ ସୁଟିଂ ଆରମ୍ଭ କରିଛନ୍ତି ସେ। ସୋମବାର ଫିଲ୍ମର ମୁଖ୍ୟ ଅଭିନେତା କାର୍ତ୍ତିକ ଆର୍ୟନ ତାଙ୍କୁ ସ୍ପେଶାଲ ୱେଲକମ ମଧ୍ୟ କରିଛନ୍ତି ।
ଇନଷ୍ଟାଗ୍ରାମରେ ଟିମ ସହ ଫଟୋ ପୋଷ୍ଟ କରି କାର୍ତ୍ତିକ ଲେଖିଛନ୍ତି, ‘ୱେଲକମ୍ ବ୍ୟାକ ତବ୍ବୁଟିଫୁଲ୍ । ହେଲେ ସେ ବବଲରୁ ବାହାରକୁ ଆସିବାକୁ ମନା କରିଦେଲେ । ଆଉ ନିଜ ସହ ପୋର୍ଟେବଲ୍ ଜେଡ୍ ++ ବାୟୋ ବବଲ୍ ସୁଟ୍ କରିବାକୁ ଆଣିଛନ୍ତି । ଭୁଲ ଭୁଲୈୟା 2 । କିୟାରା ଆଡଭାନୀ ଏବଂ ଅନୀସ ବଜମୀ ।’
- " class="align-text-top noRightClick twitterSection" data="
">
କାର୍ତ୍ତିକଙ୍କ ସହ ଏହି ଫଟୋରେ କିୟାରା, ତବ୍ବୁ ଏବଂ ନିର୍ଦ୍ଦେଶକ ଅନୀସ ବଜମୀ ନଜର ଆସୁଛନ୍ତି । ପ୍ରକାଶ ଥାଉକି ‘ଭୁଲ ଭୁଲୈୟା’ର ସିକ୍ବେଲରୁ କାର୍ତ୍ତିକଙ୍କ ଫାଷ୍ଟ ଲୁକ ପୋଷ୍ଟର ଗତ ବର୍ଷ ଜାରି କରିଥିଲେ ମେକର୍ସ । ଫିଲ୍ମରେ ରାଜପାଲ ଯାଦବ ଓ ଗୋବିନ୍ଦା ନାମଦେବ ମଧ୍ୟ ନଜର ଆସିବେ । 2007ରେ ଆସିଥିବା ଅକ୍ଷୟ କୁମାରଙ୍କ ‘ଭୁଲ ଭୁଲୈୟା’ର ଏହା ସିକ୍ବେଲ ଫିଲ୍ମ ।
