ମୁମ୍ବାଇ: ଆଜି ଶାହିଦ କପୁରଙ୍କ 40ତମ ଜନ୍ମଦିନ । 1981 ଫେବୃଆରୀ 25ରେ ଦିଲ୍ଲୀରେ ଜନ୍ମ ହୋଇଥିଲେ ଶାହିଦ । ଯାହାଙ୍କୁ ବଲିଉଡରେ କୌଣସି ପରିଚୟର ଆବଶ୍ୟକ ନାହିଁ। ତାଙ୍କ ଅଭିନୟ ହିଁ ଆଜି ତାଙ୍କ ପରିଚୟ। ଜନ୍ମଦିନ ଅବସରରେ ସୋସିଆଲ ମିଡିଆରେ ଛୁଟୁଛି ଶୁଭେଚ୍ଛାର ସୁଅ । ହେଲେ ସ୍ପେଶାଲ ମେସେଜ ଜରିଆରେ ବଡ ଭାଇଙ୍କୁ ଶୁଭେଚ୍ଛା ଜଣାଇଛନ୍ତି ସାନ ଭାଇ ତଥା ଅଭିନେତା ଇଶାନ ଖଟ୍ଟର ।
ସେ ଇନଷ୍ଟାଗ୍ରାମରେ ଶାହିଦଙ୍କ ସହ ନିଜର ପୁରୁଣା ଏବଂ ନୂଆର ଦୁଇଟି ଫଟୋ ପୋଷ୍ଟ କରିଛନ୍ତି । ଗୋଟିଏ ଫଟୋରେ ଇଶାନଙ୍କୁ ଶାହିଦଙ୍କ କୋଳରେ ଦେଖିବାକୁ ମିଳୁଥିବା ବେଳେ ଅନ୍ୟପଟେ ଦୁଇ ଭାଇ ବ୍ଲାକ୍ ଆଉଟଫିଟରେ ବସିଥିବାର ନଜର ଆସୁଛନ୍ତି ।
ଆଉ ଏହାର କ୍ୟାପସନରେ ଇଶାନ ଲେଖିଛନ୍ତି, ‘ଜିନ୍ଦେଙ୍ଗୀ କେସି ହେ ପହେଲି ହାଏ, ‘କଭି ତୋ ହସାଇ ହେ, କଭି ତୋ ରୁଲାଇ । ହେଲେ ଏହା ଭିତରେ ସବୁ କିଛି । ମୁଁ ତୁମକୁ ସବୁବେଳେ ଭଲ ପାଇବି ବଡ ଭାଇ । ଜନ୍ମଦିନର ଅନେକ ଅନେକ ଶୁଭେଚ୍ଛା ।’
- " class="align-text-top noRightClick twitterSection" data="
">
ପ୍ରକାଶ ଥାଉକି ଶାହିଦ ଖୁବଶୀଘ୍ର ସ୍ପୋର୍ଟ୍ସ ଡ୍ରାମା ଫିଲ୍ମ ‘ଜର୍ସି’ରେ ନଜର ଆସିବାକୁ ଯାଉଛନ୍ତି । ସେହିପରି ଇଶାନ ଅଭିନେତ୍ରୀ କ୍ୟାଟ୍ରିନା କୈଫ ଓ ସିଦ୍ଧାନ୍ତ ଚର୍ତୁବେଦୀଙ୍କ ସହ କମେଡି ଡ୍ରାମା ଫିଲ୍ମ ‘ଫୋନ୍ ବୁଥ୍’ରେ ଦେଖାଯିବେ।
