ମୁମ୍ବାଇ: ସୋମବାର ଲୋକପ୍ରିୟ ଅଭିନେତା ଅନୁପମ ଖେର ଓ ଅହନା କୁମାରଙ୍କ ଅପକମିଂ ସର୍ଟ ଫିଲ୍ମ ‘ହାପି ବର୍ଥ’ର ଫାଷ୍ଟଲୁକ ପୋଷ୍ଟର ଜାରି ହୋଇଯାଇଛି । ଯାହାର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ପ୍ରସାଦ କଦମ । ସେହିପରି ବର୍ତ୍ତମାନ ଭାଇରାଲ ହେଉଥିବା ଫିଲ୍ମର ପୋଷ୍ଟରେ ଅନୁପମ ପାର୍ସି ଆଉଟଫିଟ୍ରେ ନଜର ଆସୁଥିବା ବେଳେ ତାଙ୍କ ପଛରେ ଠିଆ ହୋଇଥିବା ଅହନାଙ୍କ ଇନଟେନ୍ସ ଲୁକ ଦେଖିବାକୁ ମିଳୁଛି ।
- " class="align-text-top noRightClick twitterSection" data="
">
ଇନଷ୍ଟାଗ୍ରାମରେ ପୋଷ୍ଟ ସେୟାର କରି ଅନୁପମ ଲେଖିଛନ୍ତି, ‘ଉତ୍ସାହିତ ସହ ଫିଲ୍ମର ଫାଷ୍ଟଲୁକ ପୋଷ୍ଟର ସେୟାର କରୁଛି । ହାପି ବର୍ଥଡେ ଫିଲ୍ମ କେତେକ ପ୍ରତିଷ୍ଠିତ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବରେ ମନୋନୀତ ହୋଇସାରିଛି। ଆଶା କରୁଛି ଆପଣ ଏହାକୁ ପସନ୍ଦ କରିବେ । ନୂଆ ଟ୍ୟାଲେଣ୍ଟଙ୍କ ସହ କାମ କରି ଭଲ ଲାଗିଲା ।’
ଅହନା ମଧ୍ୟ ସମାନ ଫଟୋ ପୋଷ୍ଟ କରି ଲେଖିଛନ୍ତି, ‘ମୋର ସର୍ଟ ଫିଲ୍ମ ହାପି ବର୍ଥଡେର ପୋଷ୍ଟର ସେୟାର କରି ଉତ୍ସାହିତ ଏବଂ ଗର୍ବିତ ଅନୁଭବ କରୁଛି । ଅନୁପମ ସାର୍ଙ୍କ ଶାନଦାର ଅଭିନୟ ।’
ପ୍ରକାଶ ଥାଉକି ଏହି ଫିଲ୍ମ ନିକଟରେ ପ୍ୟାରିସ ପ୍ଲେ ଫିଲ୍ମ ଫେଷ୍ଟିଭାଲର ଫାଇନାଲରେ ପ୍ରବେଶ କରିଥିଲା ଏବଂ ନ୍ୟୁୟର୍କ ସିଟି ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ ପାଇଁ ମଧ୍ୟ ମନୋନୀତ ହୋଇଥିଲା ।
