ହାଇଦ୍ରାବାଦ: ସୁପରଷ୍ଟାର ଆମିର ଖାନ ପତ୍ନୀ କିରଣ ରାଓଙ୍କ ସହ ଢାବାରେ ଭେଲପୁରୀ ଓ ଆଖୁରସର ମଜା ନେଇଛନ୍ତି । ଏହି ସମୟର ଏକ ଫଟୋ ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି ଆମିର । ଏହା ପୂର୍ବରୁ ଆମିର ଇଣ୍ଡିଗୋର ଇକୋନୋମିକ ଶ୍ରେଣୀରେ ଯାତ୍ରା କରୁଥିବାର ଏକ ଭିଡିଓ ଭାଇରାଲ ହୋଇଥିଲା ।
ନିକଟରେ 'ପାନି' ନାମକ ଫାଉଣ୍ଡେସନ ତିଆରି କରିଛନ୍ତି ଆମିର-କିରଣ । ଏଥିରେ ମହାରାଷ୍ଟ୍ରର ବିଭିନ୍ନ ଗାଁକୁ ମରୁଡି ମୁକ୍ତ କରିବା ପାଇଁ ଫାଉଣ୍ଡେସନ କାମ କରୁଛି ଓ ମରୁଡି ବାବଦରେ ସଚେତନତା କାର୍ଯ୍ୟକ୍ରମ କରୁଛି।
ତେବେ ଫଟୋଟି ଜାୱଲାର୍ଜୁନ[jawalarjun]ଗ୍ରାମ ବୁଲିଯିବା ସମୟର । ଫଟୋ ପୋଷ୍ଟ ହେବାର 5ଘଣ୍ଟା ପରେ ପ୍ରାୟ 96,000 ଲାଇକ ଆସିଛି । ଆମିର ଖାନ ଓ କିରଣ ରାଓଙ୍କ ଦ୍ବାରା 'ପାନି' ଫାଉଣ୍ଡେସନ 2017ରେ ଆରମ୍ଭ କରାଯାଇଥିଲା । ବିନା ସରକାରୀ ସହାୟତାରେ ଓ ବିନା ଲାଭ ଆଶାରେ ଫାଉଣ୍ଡେସନଟି ମହାରାଷ୍ଟ୍ରର ପ୍ରାୟ 54ଟି ଜିଲ୍ଲାରେ କାର୍ଯ୍ୟ କରୁଛି ।
