ସାନ ଫ୍ରାନ୍ସିସ୍କୋ: ବ୍ୟବହାରକାରୀଙ୍କ ପାଇଁ ସର୍ବଦା ନୂଆ ନୂଆ ଫିଚର୍ସ ଆଣିଥାଏ ବିଶ୍ୱର ପ୍ରସିଦ୍ଧ ସୋସିଆଲ ମିଡିଆ ପ୍ଲାଟଫର୍ମ ହ୍ବାଟସ୍ଆପ୍ । ଏଥର ମଧ୍ୟ କିଛି ଆକର୍ଷଣୀୟ ଫିଚର୍ସ ଆଣିବାକୁ ଯାଉଛି କମ୍ପାନୀ । ହ୍ବାଟସ୍ଆପ୍ ଏପରି କିଛି ଫିଚର୍ସ ଉପରେ କାର୍ଯ୍ୟ କରୁଛି, ଯାହା ବ୍ୟବହାରକାରୀଙ୍କୁ ଖୁବ୍ ପସନ୍ଦ ଆସିପାରେ । ରିପୋର୍ଟ ଅନୁସାରେ ନୂଆ ଫିଚର୍ସ ଆସିବା ପରେ ପଠାଇ ସାରିଥିବା ମେସେଜ୍କୁ ଏଡିଟି କରିପାରିବେ ବ୍ୟବହାରକାରୀ । ଖୁବ୍ଶୀଘ୍ର ଆସିବାକୁ ଯାଉଛି ଏହି ଫିଚର୍ସ ।
WABTinfo ରିପୋର୍ଟ ଅନୁଯାୟୀ, ନୂତନ ଫିଚର୍ସ ଉପଭୋକ୍ତାମାନଙ୍କୁ ସେମାନଙ୍କ ମେସେଜ୍ ଏଡିଟ୍ କରିବାକୁ 15 ମିନିଟ୍ ପର୍ଯ୍ୟନ୍ତ ସମୟ ଦେବ । 15 ମିନିଟ୍ ପରେ ଏଡିଟ୍ ଅପ୍ସନ୍ ଆସିବ ନାହିଁ । ପୂର୍ବରୁ ଏହିପରି ଡିଲିଟ୍ ଫର୍ ଏଭ୍ରିୱାନ୍ ଅପ୍ସନ୍ ରହିଛି । ତେବେ ଏହି ଫିଚର୍ସ ଉପରେ ବର୍ତ୍ତମାନ କାର୍ଯ୍ୟ ଚାଲିଥିବା ରିପୋର୍ଟରେ ଦର୍ଶାଯାଇଛି । ଏହି ଫିଚର୍ସ iOS ବିଟା ବ୍ୟବହାରକାରୀ ପାଇପାରିବେ ବୋଲି ଜଣାପଡିଛି । ରିପୋର୍ଟରେ ଆହୁରି ମଧ୍ୟ ଉଲ୍ଲେଖ କରାଯାଇଛି ଯେ, କମ୍ପାନୀ ମଧ୍ୟ ଆପ୍ଲିକେସନରେ ଆଉ ଏକ ଅପଡେଟ୍ ଆଣିପାରେ, ଯାହା ବ୍ୟବହାରକାରୀଙ୍କୁ ମିଡିଆ କ୍ୟାପସନ୍ ଏଡିଟ୍ କରିବାକୁ ଅନୁମତି ଦେବ ।
ଏହା ମଧ୍ୟ ପଢନ୍ତୁ:- WhatsApp New Features: ଏଣିକି ଏକକାଳୀନ ପଠାଇ ପାରିବେ 100 ଫଟୋ ଓ ଭିଡିଓ
ଗତ ବର୍ଷ ନଭେମ୍ବରରେ କମ୍ପାନୀ ଏନେଇ ସ୍ପଷ୍ଟ କରିଥିଲା । ମେସେଜିଂ ପ୍ଲାଟଫର୍ମ ଆଇଓଏସ୍ ବିଟା ପାଇଁ ଏହି ଫିଚର୍ ଉପରେ କାମ ଚାଲୁଛି ବୋଲି କମ୍ପାନୀ କହିଥିଲା । ଖୁବ୍ଶୀଘ୍ର ଅପଡେଟ୍ ଭର୍ସନରେ ଏହି ସବୁଧା ଆସିବ ବୋଲି ଜଣାପଡିଛି । ଅନ୍ୟପଟେ ଗତ ସପ୍ତାହରେ ହ୍ବାଟସ୍ଆପ୍ ଫଟୋ କ୍ଲାରିଟି ଉପରେ ନୂଆ ଫିଚର୍ସ ଆଣିଥିଲା । ଏଣିକି ବିନା ଡକ୍ୟୁମେଣ୍ଟରେ ମଧ୍ୟ ଫଟୋ ପଠାଇଲେ କ୍ଲାରିଟି ରହିବ ବୋଲି କମ୍ପାନୀ କହିଥିଲା ।
ସେହିପରି ହ୍ବାଟସ୍ଆପ୍ରେ ଏକକାଳୀନ 100 ଫାଇଲ୍ ପଠାଇ ହେବ । ସମସ୍ତ ଫାଇଲ୍ରେ କ୍ୟାପ୍ସନ୍ ସଂଯୋଗ ମଧ୍ୟ କରିପାରିବେ । ବ୍ୟବହାରକାରୀ ଆପ୍ ଅପଡେଟ୍ କରିବା ପରେ ଏହି ନୂଆ ଫିଚର୍ସ ପାଇପାରିବା । ହ୍ବାଟ୍ସଆପ୍ର ଏହି ନୂଆ ଫିଚର୍ସ 2.23.3.77 ଆପ୍ ଭର୍ସନର ଉପଲବ୍ଧ ହେବ । ଯଦି ଅପଡେଟ୍ ଫିଚର୍ସ କାର୍ଯ୍ୟ ନକରେ, ତେବେ ବିଶ୍ବସ୍ତରରେ ଅପଡେଟ୍ ଲାଗୁ ହେବା ପର୍ଯ୍ୟନ୍ତ ଅପେକ୍ଷା କରିବାକୁ ପଡିବ ଅପଡେଟ୍ ପାଇଁ ଗୁଗୁଲ୍ ପ୍ଲେ ଷ୍ଟୋର ଯାଞ୍ଚ କରିବାକୁ ପରାମର୍ଶ ଦେଇଥିଲା କମ୍ପାନୀ ।
