ୱାଶିଂଟନ: ଶେଷ ମୁହୂର୍ତ୍ତରେ ସ୍ଥଗିତ ହୋଇଥିବା ନାସାର ବହୁ ପ୍ରତିକ୍ଷୀତ ମୁନ୍ ରକେଟ ଆର୍ଟେମିସ I(NASA Moon Rocket Artemis I) ଶନିବାର ପୁନଃ ପରୀକ୍ଷଣ ହେବ(NASA aims for Saturday launch of new moon rocket) । ଇଞ୍ଜିନରେ ତ୍ରୁଟି ଥିବାରୁ ସୋମବାର(ଅଗଷ୍ଟ 29)ରେ ପରୀକ୍ଷଣକୁ ସ୍ଥଗିତ ରଖାଯାଇଥିଲା । ମଙ୍ଗଳବାର(ଅଗଷ୍ଟ 30)ରେ ପରିଚାଳନା ସଦସ୍ୟଙ୍କୁ ନେଇ ଗଠିତ ଏକ ବୈଠକରେ ଆଲୋଚନା ପରେ ଶନିବାର(ସେପ୍ଟେମ୍ବର 3)ରେ ଆର୍ଟେମିସ I ପରୀକ୍ଷଣ ନେଇ ସମୟ ଧାର୍ଯ୍ୟ କରାଯାଇଛି ।
ପରିଚାଳକମାନେ କହିଛନ୍ତି ଯେ, ଏହି ସମସ୍ୟାର ମୁକାବିଲା ପାଇଁ ସେମାନେ ମଙ୍ଗଳବାର ଇନ୍ଧନ ପ୍ରକ୍ରିୟା ପରିବର୍ତ୍ତନ କରିଛନ୍ତି । 322 ଫୁଟ (98 ମିଟର) ବିଶିଷ୍ଟ ନାସାର ଏହି ଐତିହାସିକ ରକେଟ୍ ଆମେରିକାର ଫ୍ଲୋରିଡା ସ୍ଥିତ କେନେଡି ସ୍ପେସ୍ ସେଣ୍ଟରରୁ ଉତକ୍ଷେପଣ ହେବ । ଏଥିରେ ଖାଲି କ୍ରୁ କ୍ୟାପସୁଲ୍ ରହିଛି । ଅର୍ଥାତ୍ ଏହି ଉତକ୍ଷେପଣ ମାନବବିହୀନ । ଏହା ନାସା ଦ୍ୱାରା ନିର୍ମିତ ସବୁଠାରୁ ଶକ୍ତିଶାଳୀ ରକେଟ୍ ।
ସ୍ପେସ୍ ଲଞ୍ଚ ସିଷ୍ଟମ୍ ରକେଟ୍(SLS), କ୍ୟାପସୁଲ୍ ଚନ୍ଦ୍ରର ଚତୁର୍ପାର୍ଶ ଏବଂ ପଛକୁ ପଠାଇବାକୁ ଚେଷ୍ଟା କରିବ । ଏହି ତିନି ଟେଷ୍ଟ ଡମିଜରେ କେହି ରହିବେ ନାହିଁ, କେବଳ ତିନିଟି ପରୀକ୍ଷା ଡମି ରହିବ । ଯଦି ଏହି ପରୀକ୍ଷଣ ସଫଳ ହୁଏ, ତେବେ 50 ବର୍ଷ ପୂର୍ବେ ନାସାର ଆପୋଲୋ କାର୍ଯ୍ୟକ୍ରମ ପରଠାରୁ ଏହା ଚନ୍ଦ୍ରକୁ ଉତକ୍ଷେପଣ ହେବାର ପ୍ରଥମ କ୍ୟାପସୁଲ ହେବ । ସୋମବାରର ଉତକ୍ଷେପଣ ପ୍ରୟାସ ସମୟରେ, ରକେଟର ମୂଳ ପର୍ଯ୍ୟାୟରେ ଥିବା ଚାରୋଟି ମୁଖ୍ୟ ଇଞ୍ଜିନ ମଧ୍ୟରୁ ଗୋଟିଏରେ ଲିଫ୍ଟଅଫ୍ ପୂର୍ବରୁ ତ୍ରୁଟି ଥିବାରୁ ପରୀକ୍ଷଣକୁ ସ୍ଥଗିତ ରଖାଯାଇଥିଲା ।
ପ୍ୟାଡରେ ଇନ୍ଧନ ଆରମ୍ଭ ହେବା ପରେ ଶନିବାର ଅପରାହ୍ନରେ ପରୀକ୍ଷଣର ଅଧ ଘଣ୍ଟା ପୂର୍ବରୁ ଚିଲିଂ ଅପରେସନ୍ କରାଯିବ ବୋଲି ଅଧିକାରୀମାନେ କହିଛନ୍ତି । 4.1 ବିଲିୟନ ଡ଼ଲାରରେ ନାସାର ଆର୍ଟେମିସ୍ ଚନ୍ଦ୍ର-ଏକ୍ସପ୍ଲୋରେସନ କାର୍ଯ୍ୟକ୍ରମ(NASA's Artemis moon-exploration program) ଗ୍ରୀକ୍ ପୁରାଣ ଅନୁସାରେ ଆପୋଲୋର ଯାଆଁଳା ଭଉଣୀ(Twin Sister)ଙ୍କ ନାମରେ ନାମିତ କରାଯାଇଛି । ଏହି ପରୀକ୍ଷଣ ମହାକାଶଚାରୀମାନେ 2024 ମସିହାରେ ଚନ୍ଦ୍ରର ଚତୁର୍ପାର୍ଶରେ ପହଞ୍ଚିବା ସହ 2025 ରେ ଚନ୍ଦ୍ର ଅବତରଣ କରିବାକୁ ଲକ୍ଷ୍ୟ ରଖିଛନ୍ତି ।
