ହାଇଦ୍ରାବାଦ: ପ୍ରାୟ ସମସ୍ତ ଟ୍ରେନରେ ଯାତ୍ରା କରିଥିବେ ଏବଂ ଟ୍ରେନ୍ ଟିକେଟ୍ ବିଷୟରେ ଅବଗତ ରହିଥିବେ । ଯଦି ଆପଣ ସ୍ଲିପର କିମ୍ବା ଏସି କୋଚ୍ ଭ୍ରମଣ କରନ୍ତି ତେବେ ଆପଣଙ୍କୁ ରିଜର୍ଭ ଟିକେଟ କରିବାକୁ ପଡେ । ଯଦି ଆପଣ ତତ୍କାଳ ଟିକେଟ ବୁକ୍ କରନ୍ତି, ତେବେ ଆପଣଙ୍କୁ ଏହାକୁ ସକାଳ 10ରୁ 12 ଟା ମଧ୍ୟରେ ବୁକ୍ କରିବାକୁ ପଡିବ । ଏହାଛଡ଼ା ଦିନ ସାରା ଆପଣଙ୍କ ଇଚ୍ଛା ଆନୁସାରେ ଟିକେଟ ବୁକିଂ ହୋଇପାରିବ । କିନ୍ତୁ ଆପଣ ଜାଣନ୍ତି କି ରାତି 11.45ରୁ 12.30 ପର୍ଯ୍ୟନ୍ତ କାହିଁକି ବନ୍ଦ ରହିଥାଏ ଟିକେଟ ବୁକିଂ । ରାତିରେ ରେଳବାଇର ଟିକେଟ ବୁକିଂ ପ୍ରକ୍ରିୟା ପରିଚାଳନା କରୁଥିବା କ୍ୟାଟରିଂ ଓ ଟ୍ୟୁରିଜିମ କର୍ପୋରେସନ (IRCTC) ପକ୍ଷରୁ ଟିକେଟ ବୁକିଂ ପ୍ରକ୍ରିୟା ବନ୍ଦ ରହିଥାଏ। ତେବେ ଆପଣ ଜାଣିଛନ୍ତି କି କଣ ଏହା ପଛର କାରଣ। ପଢନ୍ତୁ ପୁରା ଖବର
ଆମେ ଆପଣଙ୍କୁ କହିବୁ ଯେ ରେଳବାଇ ପକ୍ଷରୁ ପୂର୍ବରୁ ରାତି 11.30 ପର୍ଯ୍ୟନ୍ତ ଟିକେଟ୍ ବୁକ୍ କରାଯାଉଥିୱଲା। ଅର୍ଥ ଟିକେଟ୍ ବୁକିଂ 1 ଘଣ୍ଟା ପାଇଁ କରାଯାଉନଥିଲା । କିନ୍ତୁ ଯାତ୍ରୀମାନଙ୍କ ଅସୁବିଧାକୁ ଦୃଷ୍ଟିରେ ରଖି ରେଳବାଇ ଟିକେଟ ବୁକିଂ ନକରିବାର ସମୟ ସୀମାକୁ ହ୍ରାସ କରିଛି । ଯାତ୍ରୀମାନେ ବର୍ତ୍ତମାନ ରାତି11.45 ପର୍ଯ୍ୟନ୍ତ ଟିକେଟ୍ ବୁକ୍ କରିପାରୁଛନ୍ତି । ତେବେ ସମସ୍ତଙ୍କ ମନରେ ଗୋଟିଏ ପ୍ରଶ୍ନ କାହିଁକି ଭାରତୀୟ ରେଳବାଇ ରାତିରେ 45 ମିନିଟ୍ ପାଇଁ ଟିକେଟ ବୁକ୍ କରେ ନାହିଁ ?
ଏହି କାରଣରୁ ବୁକିଂ ହୋଇପାରେ ନାହିଁ: ରେଳବାଇ ରାତି 11.45 ରୁ 12.30 ପର୍ଯ୍ୟନ୍ତ ଟିକେଟ୍ ବୁକ୍ ନକରିବାର ସବୁଠାରୁ ବଡ କାରଣ ସର୍ଭର ସହିତ ଜଡିତ। ରେଳବାଇ ଏହି ସମୟରେ ଏହାର ସର୍ଭରକୁ ରିପେୟାର କରିଥାଏ । ଏହି ସମୟରେ ଷ୍ଟାଟସ୍ ଚେକିଂ, ଟିକେଟ୍ ବୁକିଂ, PNR ଯାଞ୍ଚ ସହିତ ଅନେକ କାର୍ଯ୍ୟ ସମ୍ପୂର୍ଣ୍ଣ ବନ୍ଦ ହୋଇଯାଇଥାଏ। ଭାରତୀୟ ରେଳବାଇର IRCTC ୱେବସାଇଟ୍ ପ୍ରତିଦିନ 7ରୁ 8 ଲକ୍ଷ ଟିକେଟ୍ ବୁକିଂ ପରିଚାଳନା କରେ । ଭାରତୀୟ ରେଳ ହେଉଛି ବିଶ୍ୱର ଦ୍ୱିତୀୟ ବୃହତ୍ତମ ରେଳ ନେଟୱାର୍କ । ଏହିପରି ସଂଖ୍ୟକ ଟିକେଟ୍ ବୁକିଂ ସ୍ଥାନାନ୍ତର କରିବା ଏବଂ ଅନ୍ୟ ଡାଟାବେସ୍କୁ ତଥ୍ୟ ନେବା କାର୍ଯ୍ୟ ରାତି 11.45ରୁ ସକାଳ 12.30 ପର୍ଯ୍ୟନ୍ତ କରାଯାଇଥାଏ । ଏହି କ୍ରମରେ ଏକ କପି ମଧ୍ୟ କରାଯାଇଥାଏ । ଯେପରିକି ତଥ୍ୟ ଡିଲିଟ ହୋଇଗଲେ ମଧ୍ୟ ଅନ୍ୟ ଏକ କପି ସୁରକ୍ଷିତ ହୋଇ ରହିପାରିବ। ଯାତ୍ରୀମାନେ କେବେ ମଧ୍ୟ ଏହି କାରଣରୁ ସମସ୍ୟା ଭୋଗନ୍ତି ନାହିଁ।
ଏହି କାରଣରୁ ଟ୍ରାଞ୍ଜେକ୍ସନ ଫେଲ୍ ହୋଇପାରେ: ଡାଟା ସିଫ୍ଟିଂ ସମୟରେ ଯଦି ଟିକେଟ୍ ବୁକିଂ କରାଯାଇଥାଏ, ତେବେ ଟିକେଟ୍ ବୁକିଂ ଡାଟା ଭୁଲ ହୋଇପାରେ ଏବଂ ଟ୍ରାଞ୍ଜେକ୍ସନ ଫେଲ ହେବାର ମଧ୍ୟ ସମ୍ଭାବନା ଅଧିକ ରହିଥାଏ । ଏହି କାରଣରୁ, ରେଳବାଇ ରାତିରେ 45 ମିନିଟ୍ ପର୍ଯ୍ୟନ୍ତ କୌଣସି ପ୍ରକାର ବୁକିଂ କରେ ନାହିଁ । ଏହି 45 ମିନିଟରେ ଟ୍ରେନ୍ ସହିତ ଜଡିତ ସମସ୍ତ ନୂତନ ସୂଚନା ମଧ୍ୟ ୱିଣ୍ଡୋରେ ଅପଡେଟ୍ ହୋଇଥାଏ।
ବ୍ୟୁରୋ ରିପୋର୍ଟ, ଇଟିଭି ଭାରତ
