ହାଇଦ୍ରାବାଦ: ଭାରତର ମୁନ ମିଶନ ଚନ୍ଦ୍ରଯାନ-3 ଲଞ୍ଚ ହେବାର ପାଖାପାଖି ମାସେ ପରେ ଭାରତର ସହଯୋଗୀ ଋଷ ଆରମ୍ଭ କରିଲା ମୁନ ମିଶନ ଲୁନା -25 । 47 ବର୍ଷ ପରେ ଗତ ଅଗଷ୍ଟ 11 ତାରିଖରେ ଋଷର ଭୋଷ୍ଟୋଚନି କସମୋଡ୍ରୋମରୁ ଲଞ୍ଚ ସେଣ୍ଟରରୁ ଲୁନା-25କୁ ଲଞ୍ଚ କରିଛି ଋଷ । ତେବେ ଭାରତ ପରେ ଋଷ ମୁନ ମିଶନ ଆରମ୍ଭ କରିଥିବାରୁ ଏହାକୁ ନେଇ ଅନେକ ଚର୍ଚ୍ଚା ଆରମ୍ଭ ହୋଇଥିଲା । ଚନ୍ଦ୍ରରେ ପ୍ରଥମେ କିଏ ଲ୍ୟାଣ୍ଡ କରିବ ସେନେଇ ମଧ୍ୟ ବିତର୍କ ଆରମ୍ଭ ହୋଇଥିବା ବେଳେ ଦୁଇ ଯାନର ଗଠନ ସମାନ ହୋଇଥିବା ନେଇ ମଧ୍ୟ ଅନେକ ଦାବି କରିଥିଲେ । କିନ୍ତୁ ଏଥିରେ ବିରାମ ଲଗାଇଛନ୍ତି ଇସ୍ରୋ ବୈଜ୍ଞାନିକ । ପଦ୍ଧତି, ମାର୍ଗ ଏବଂ ପରୀକ୍ଷଣ ଦୃଷ୍ଟିରୁ ଲୁନା-25 ଠାରୁ ଚନ୍ଦ୍ରଯାନ-3 ସମ୍ପୂର୍ଣ୍ଣ ଅଲଗା ବୋଲି କହିଛନ୍ତି ଭାରତର ମହାକାଶ ବିଜ୍ଞାନୀ ।
ଜୁଲାଇ 14ରେ ଚନ୍ଦ୍ରଯାନ-3 ଲଞ୍ଚ ହୋଇଥିବାବେଳେ ଋଷ ଗତ ଶୁକ୍ରବାର ଅଗଷ୍ଚ 11 ତାରିଖରେ ଲନା-25କୁ ସଫଳତାର ସହିତ ଉତକ୍ଷେପଣ କରିଛି । ତେବେ ଚନ୍ଦ୍ରଯାନ-3ର 40 ଦିନର ଗତିକୁ ଲୁନା-25 10 ଦିନରେ ସମାପ୍ତ କରିବ ବୋଲି ବୈଜ୍ଞାନିକମାନେ କହିଛନ୍ତି । ଲୁନା-25ରେ ଉଚ୍ଚ ଶକ୍ତିସମ୍ପନ୍ନ ରକେଟ ରହିଛି । ଯାହାର କି ଅଧିକ ଇନ୍ଧନ କ୍ଷମତା ରହିଥିବାରୁ ଏହା ଚନ୍ଦ୍ରଯାନ-3 ଠାରୁ ଶୀଘ୍ର ଗତିକରିବ ବୋଲି କୁହାଯାଉଛି । ଦୁହେଁ ଚନ୍ଦ୍ରର ଦକ୍ଷିଣ ପୋଲରେ ଅବତରଣ କରିବ ବୋଲି ଆଶା କରାଯାଇଛି ।
ଏହା ମଧ୍ୟ ପଢନ୍ତୁ: Russia Lunar Mission: 47 ବର୍ଷ ପରେ ଜହ୍ନ ରାଇଜକୁ ଋଷର ଯାତ୍ରା, ଅଗଷ୍ଟ 23ରେ ଲ୍ୟାଣ୍ଡିଂ !
ଜୁଲାଇ 14ରେ ଶ୍ରୀହରିକୋଟା ସ୍ଥିତ ସତୀଶ ଧାୱନ ମହାକାଶ କେନ୍ଦ୍ରରୁ ଆରମ୍ଭ ହୋଇଥିବା ଚନ୍ଦ୍ରଯାନ-3, 40 ଦିନିଆ ଯାତ୍ରା ସମାପ୍ତ କରିବା ପରେ ଅଗଷ୍ଟ 23ରେ ଚନ୍ଦ୍ର ପୃଷ୍ଠରେ ଅବତରଣ କରିବ ବୋଲି ଆଶା କରାଯାଉଛି । ଅନ୍ୟପଟେ ଅଗଷ୍ଟ 11ରେ ଆରମ୍ଭ ହୋଇଥିବା ଲୁନା -25 ଚନ୍ଦ୍ରଯାନ-3ର ଦୁଇ ଦିନ ଆଗରୁ ଅଗଷ୍ଟ 21ରେ ଚନ୍ଦ୍ରରେ ଅବତରଣ କରିବ ବୋଲି କୁହାଯାଇଛି । ତେବେ ଲୁନା-25 ଲଞ୍ଚ ହେବା ସମୟରେ ଦୁହେଁ ଏକା ଦିନରେ ଚନ୍ଦ୍ରରେ ଲ୍ୟାଣ୍ଡ କରିବେ ବୋଲି କୁହାଯାଉଥିବା ବେଳେ ବର୍ତ୍ତମାନ ଲୁନା ଚନ୍ଦ୍ରଯାନ ଠାରୁ ଆଗରେ ଚନ୍ଦ୍ରରେ ଲ୍ୟାଣ୍ଡ କରିବ ବୋଲି କୁହାଯାଉଛି ।
