ନୂଆଦିଲ୍ଲୀ: ତୁରନ୍ତ କ୍ରୋମ୍ ବ୍ରାଉଜର ଅପଡେଟ୍ କରିବାକୁ ସତର୍କ କରାଇଲା ଗୁଗୁଲ୍(Google warns users) । ହ୍ୟାକ୍ ହୋଇଥିବା ଏର ସିରିୟଲ୍ ବଗ୍ରୁ ନିଜକୁ ରକ୍ଷା କରିବା ପାଇଁ ଗୁଗୁଲ ଏହାର ଉପଭୋକ୍ତାମାନଙ୍କୁ ତୁରନ୍ତ କ୍ରୋମ ବ୍ରାଉଜରରେ ଏକ ସିକ୍ୟୁରିଟି ଅପଡେଟ୍ ଇନଷ୍ଟଲ୍ କରିବାକୁ ପରାମର୍ଶ ଦେଇଛି । ଟେକ୍ ଜିଆଣ୍ଟ୍ ଗୁଗୁଲ୍ କହିଛି ଯେ 'CVE-2022-3075' ଦୁର୍ବଳତାକୁ ପ୍ୟାଚ୍ କରିବା ପାଇଁ ମ୍ୟାକ୍(Mac), ଲିନକ୍ସ(Linux) ଏବଂ ୱିଣ୍ଡୋଜ୍ ପାଇଁ କ୍ରୋମ୍ ଡେସ୍କଟପ୍ ଆପ୍ ଭର୍ସନ 105.0.5195.102 କୁ ଅପଡେଟ୍ କରାଯାଇଛି ।
ସିକ୍ୟୁରିଟି ଅପଡେଟ ଉପରେ ଗୁଗୁଲ କହିଛି ଯେ, ଅଧିକାଂଶ ଉପଭୋକ୍ତା ଅପଡେଟ୍ ନ କରିବା ପର୍ଯ୍ୟନ୍ତ ବଗ୍ ବିବରଣୀ ଏବଂ ଲିଙ୍କଗୁଡିକ ଉପରେ ପ୍ରତିବନ୍ଧକ ଲଗାଯାଇପାରେ । ଏଥିରେ ଆହୁରି ମଧ୍ୟ କୁହାଯାଇଛି ଯେ, ଯଦି ବଗ୍ କୌଣସି ତୃତୀୟ ପକ୍ଷ ଲାଇବ୍ରେରୀରେ ଦେଖାଯାଏ ତେବେ ଅନ୍ୟାନ୍ୟ ପ୍ରୋଜେକ୍ଟ ମଧ୍ୟ ସମାନ ଭାବରେ ଅପଡେଟ୍ କରିବାକୁ ପଡିବ, କିନ୍ତୁ ଏପର୍ଯ୍ୟନ୍ତ ସେନେଇ କୌଣସି ସ୍ଥିରିକୃତ ହୋଇନାହିଁ । କ୍ରୋମ ଚଳିତ ବର୍ଷ ଷଷ୍ଠ ଜିରୋ ଡେ'ର ଦୁର୍ବଳତା ସାମ୍ନା କରିଛି ।
ସର୍ବଶେଷ ସିକ୍ୟୁରିଟି ଅପଡେଟକୁ ସକ୍ରିୟ କରିବାକୁ କ୍ରୋମ ବ୍ୟବହାରକାରୀମାନେ ବର୍ତ୍ତମାନ ସେମାନଙ୍କର ବ୍ରାଉଜରକୁ ପୁନଃ ଆରମ୍ଭ କରିବା ଆବଶ୍ୟକ । ଅଗଷ୍ଟ 30 ରେ ଗୁଗୁଲ୍ କ୍ରୋମ୍ ସଂସ୍କରଣ 105 ରିଲିଜ୍ ହେବାର କିଛି ଦିନ ପରେ ଏହି ନୂତନ ଅପଡେଟ୍ ଆସିଛି । କମ୍ପାନୀ କହିଛି ଯେ, ସୁରକ୍ଷା ଚକ୍ରରେ ଆମ ସହିତ କାର୍ଯ୍ୟ କରିଥିବା ସମସ୍ତ ସୁରକ୍ଷା ଅନୁସନ୍ଧାନକାରୀଙ୍କୁ ଆମେ ଧନ୍ୟବାଦ ଦେବାକୁ ଚାହୁଁଛୁ ।
-
