ନୂଆଦିଲ୍ଲୀ: ଲୋକପ୍ରିୟ ଭିଡିଓ ଷ୍ଟ୍ରିମିଂ ପ୍ଲାଟଫର୍ମ ୟୁଟ୍ୟୁବ୍ରେ ସର୍ଫିଂ ସମରେ ବିପଦଜନକ ଭିଡିଓ ଦେଖିବାରୁ ଶିଶୁମାନଙ୍କୁ ବଞ୍ଚାଇବା ପାଇଁ ଆସିଛି ନୂଆ ଉପାୟ । ଗ୍ଲୋବାଲ ସାଇବର ସିକ୍ୟୁରିଟି ଫର୍ମ କାସପରସ୍କାଏ ଏନେଇ ରୋଲ ଆଉଟ କରିଛି ନୂଆ ମନିଟରିଂ ଫିଚର । ଯାହା ଶିଶୁମାନଙ୍କ ଅନଲାଇନ ଭିଡଓ ସର୍ଫିଂ ଉପରେ ନଜର ରଖିବାରେ ସାହାଯ୍ୟ କରିବ । ଏହାକୁ ଆକ୍ଟିଭ କରିବା ଦ୍ବାରା ୟୁଟ୍ୟୁବରେ ‘ସେଫ୍ ସର୍ଚ୍ଚ ଇନ ୟୁଟ୍ୟୁବ’ ଫିଚର କାର୍ଯ୍ୟକାରୀ ହୋଇଥାଏ । ଯାହା ଶିଶୁମାନଙ୍କ ସର୍ଚ୍ଚ ଫିଡରେ ଡ୍ରଗ୍ସ, ଅପମାନଜନକ ବା ଆଡଲ୍ଟ ମ୍ୟାଟେରିଆଲ ଆଦି ଆଣିବାକୁ ବ୍ଲକ କରିଥାଏ ।
ଏନେଇ କାସପରସ୍କାଏର ସୂଚନା ମୁତାବକ ସର୍ବନିମ୍ନ 14 ପ୍ରତିଶତ ଅଭିଭାବକ ଅଭିଯୋଗ କରିଛନ୍ତି କି ୟୁଟ୍ୟୁବରେ କିଛି ଉତ୍ତେଜକ କିମ୍ବା ବୟସ୍କ କଣ୍ଟେଣ୍ଟ ଦେଖି ସେମାନଙ୍କ ଶିଶୁର ବ୍ୟବହାରରେ ପରିବର୍ତ୍ତନ ଆସିଛି । ତେଣୁ ନିଜ ଶିଶୁଙ୍କୁ ସଠିକ୍ କଣ୍ଟେଣ୍ଟ ଦେବା ସହ ସେମାନଙ୍କ ନେଟ ସର୍ଫିଂକୁ ସୁରକ୍ଷିତ ରଖିବା ପାଇଁ ଅଭିଭାବକମାନେ ଏକ ବିଶ୍ବସନୀୟ ଆସିଷ୍ଟାଣ୍ଟର ଆବଶ୍ୟକତା ଅନୁଭବ କରିଛନ୍ତି ।
ଅଭିଭାବକମାନେ ସାମ୍ନା କରୁଥିବା ଏହି ସାଧାରଣ ଅସୁବିଧାକୁ ନଜରରେ ରଖି କାସପରସ୍କାଏ ଏହି ନୂଆ ଫିଚର ପ୍ରସ୍ତୁତ କରିଥିବା ପ୍ରକାଶ କରିଛି । ଯାହା ମୁଖ୍ୟତଃ ୟୁଟ୍ୟୁବରେ ଶିଶୁମାନଙ୍କୁ ମନିଟର କରିବାରେ ଅଭିଭାବକଙ୍କୁ ସାହାଯ୍ୟ କରିବ । ଏନେଇ ସୂଚନା ଦେଇଛନ୍ତି କମ୍ପାନୀର ପ୍ରଡକ୍ଟ ମାର୍କେଟିଂ ମ୍ୟାନେଜର ଏଲେନା କାଜୋକନିକୋଭା । ଏହି ଫିଚର ଦ୍ବାରା ଅଭିଭାବକମାନେ ଶିଶୁଙ୍କ ପାଇଁ ରେଷ୍ଟ୍ରିକ୍ଟେଡ ମୋଡକୁ ସିଲେକ୍ଟ କରିପାରିବେ । ତେବେ ଏହି 100 ପ୍ରତିଶତ ସଫଳ ନହେଲେ ବି ପ୍ରାଥମିକ ପର୍ଯ୍ୟାୟ ପାଇଁ ଉପଯୋଗୀ ବୋଲି କମ୍ପାନୀ ସ୍ପଷ୍ଟ କରିଛି ।
@IANS
