ସମ୍ବଲପୁର: ଧନୁପାଲି ଥାନା ସାକ୍ଷୀପଡା ବିଜୟ ନାଏକ ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ଗିରଫ । ପୂର୍ବରୁ ଏହି ମାମଲାରେ 6 ଜଣଙ୍କୁ ଗିରଫ କରିଥିଲା ପୋଲିସ । ତେବେ ମୁଖ୍ୟ ଅଭିଯୁକ୍ତ ଗୋବିନ୍ଦ ନାଗ ଫେରାର ଥିବାବେଳେ ତାକୁ ପୋଲିସର ସ୍ବତନ୍ତ୍ର ଟିମ୍ ଗିରଫ କରିଛି ।
ସାକ୍ଷୀପଡା ବିଜୟ ନାଏକ ହତ୍ୟାକାଣ୍ଡ ଘଟଣା
ସୂଚନା ଅନୁସାରେ, ଗତ 15 ତାରିଖ ଦିନ ସନ୍ଧ୍ୟାରେ ବିଜୟ ନାଏକ ନାମକ ଏକ ଯୁବକଙ୍କ ହତ୍ୟା କରାଯାଇଥିଲା । ଘଟଣାରେ ପୋଲିସ 6 ଜଣଙ୍କୁ ଗିରଫ କରିଥିଲା । ହେଲେ ମୁଖ୍ୟ ଅଭିଯୁକ୍ତ ଫେରାର ଥିଲା । ପରେ ପୋଲିସ ପକ୍ଷରୁ ଅଭିଯୁକ୍ତକୁ ଧରିବା ପାଇଁ ସ୍ବତନ୍ତ୍ର ଟିମ୍ ଗଠନ କରାଯାଇଥିଲା ।
ଟିମ୍ ବିଭିନ୍ନ ସ୍ଥାନରେ ଖୋଜିବା ସହ ଶେଷରେ ଝାରଖଣ୍ଡର ଜାମସେଦପୁରରୁ ଗୋବିନ୍ଦ ନାଗକୁ ଗିରଫ କରିଥିବା ଏସପି ବି ଗଙ୍ଗାଧର ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି । ସେହିପରି ପୂର୍ବରୁ ମଧ୍ୟ ମୁଖ୍ୟ ଅଭିଯୁକ୍ତ ନାଁରେ ଅନେକ ମାମଲା ଥିବା ସେ କହିଛନ୍ତି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
