ଭୁବନେଶ୍ବର: ପ୍ରହସନ ପାଲଟିଛି ‘ମୋ ସରକାର’ ଯୋଜନା । ଅଭିଯୋଗକୁ ଗୁରୁତ୍ବ ଦେଉନାହାନ୍ତି ଅଫିସର । ବେଫିକର ଥାନା ବାବୁ, ନଶୁଣି ଚୁପ ବଡବାବୁ । କମିସନରେଟ ପୋଲିସର ଏପରି ଚେହେରା ଏବେ ସାମ୍ନାକୁ ଆସିଛି ।
ଥାନାରେ ଗୁରୁତର ଅଭିଯୋଗ ପରେ ବି ଗୁରୁତ୍ବ ଦେଉନାହାନ୍ତି ଥାନାବାବୁ । ଅଭିଯୋଗର 24 ଘଣ୍ଟା ପରେ ବି ଚୁପ୍ ଉପରିସ୍ଥ ବଡବାବୁ । ଗୋଟିଏ ପଟେ ମହିଳାଙ୍କ ସୁରକ୍ଷା ନେଇ ବିଧାନସଭାରେ ତୁମ୍ବି ତୋଫାନ ଚାଲିଥିବା ବେଳେ ଅନ୍ୟପଟେ ଏହାର ନଗ୍ନଚିତ୍ର ଆସିଛି ସାମ୍ନାକୁ । ମହିଳାଙ୍କ ସୁରକ୍ଷା ନେଇ ପ୍ରଶ୍ନ ଉଠୁଥିବାବେଳେ ସୁରକ୍ଷା ଦେବାରେ ବିଫଳ କମିସନରେଟ ପୋଲିସ ।
ମହିଳାଙ୍କ ସୁରକ୍ଷା ନେଇ ମନ୍ତ୍ରୀ ଦେଉଥିବା ବୟାନକୁ ତୁଚ୍ଛ କରିଦେଇଛନ୍ତି ପୋଲିସ ବାବୁ । ଏପରିକି ମହିଳାଙ୍କ ସୁରକ୍ଷା ନେଇ ଗୁରୁତର ଅଭିଯୋଗକୁ ରେଡ ଫ୍ଲାଗ କାଟେଗୋରିରେ ତଦନ୍ତ ହେଉଥିବା ଗୃହରେ ବୟାନ ଦେଉଛନ୍ତି ମନ୍ତ୍ରୀ । ହେଲେ ଏପଟେ ପୋଲିସ ବାବୁ ତାକୁ ଯେପରି ହେୟଗାନ କରୁଛନ୍ତି ।
ଏମିତି ଘଟଣା ଖୋଦ ରାଜଧାନୀରେ ସାମ୍ନାକୁ ଆସିଛି । ମଞ୍ଚେଶ୍ବର ଥାନା ଅଞ୍ଚଳର ପଳାଶୁଣୀ ସତ୍ୟବିହାରରେ ଡିସେମ୍ବର 16 ତାରିଖ ଦିନ 3ଟା ସମୟରେ ମହିଳା ଯମୁନା ଦାସ ସାହୁଙ୍କୁ ମରଣାନ୍ତକ ଆକ୍ରମଣ ଘଟଣାକୁ ହାଲୁକା ଭାବେ ନେଇଛି କମିସନରେଟ ପୋଲିସ । ଘଟଣାକୁ ନେଇ ଦୁର୍ବୃତ୍ତଙ୍କ ଆକ୍ରମଣର ସିସିଟିଭି ଭିଜୁଆଲ ସହ ପ୍ରମାଣ ନେଇ ଥାନାରେ ଅଭିଯୋଗ ପରେ କୌଣସି କାର୍ଯ୍ୟାନୁଷ୍ଠାନ ନେଉନାହାନ୍ତି ମଞ୍ଚେଶ୍ବର ଥାନାବାବୁ ।
ରିପୋର୍ଟ ଦେବାର 24 ଘଣ୍ଟା ପରେ ବି ଅଫିସର ଶୁଣୁନାହାନ୍ତି, ଯାହା ରାଜ୍ୟ ସରକାରଙ୍କ ‘ମୋ ସରକାର’ ଯୋଜନା ଓ ମହିଳା ସୁରକ୍ଷା ନୀତିକୁ ଶକ୍ତ ଚାପୁଡା ବୋଲି କୁହାଯାଉଛି । ଖୋଦ୍ ରାଜଧାନୀରେ ଯଦି ଏପରି ହେଉଛି ତେବେ ଗ୍ରାମାଞ୍ଚଳରେ ‘ମୋ ସରକାର’ ଯୋଜନା, ଯେ ଧର୍ମକୁ ଆଖିଠାର ଏଥିରେ ଦ୍ବିମତ ନାହିଁ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
