ଲକଡାଉନରେ ବଢିଛି ସାଇବର ଅପରାଧ, ମହିଳାଙ୍କୁ ଦିଆଯାଉଛି ଧମକ

ଲକଡାଉନରେ ବଢିଛି ସାଇବର ଅପରାଧ । ବିଶେଷ କରି ମହିଳାଙ୍କୁ କରାଯାଉଛି ବ୍ଲାକମେଲ । ଏନସିଡବ୍ଲ୍ୟୁ ପକ୍ଷରୁ ଦିଆଯାଇଥିବା ଏକ ତଥ୍ୟରୁ ଏହା ଜଣାପଡିଛି ।

ନୂଆଦିଲ୍ଲୀ: ଲକଡାଉନରେ ବିଶେଷ ଭାବରେ ମହିଳାମାନଙ୍କ କ୍ଷେତ୍ରରେ ସାଇବର ଅପରାଧ ବୃଦ୍ଧି ପାଇଛି । ନ୍ୟାସନାଲ କମିଶନ ଫର ୱମେନ (ଏନସିଡବ୍ଲ୍ୟୁ) ତଥ୍ୟ ଅନୁଯାୟୀ ଅନଲାଇନରେ କେବଳ ଏପ୍ରିଲ ମାସରେ 54ଟି ସାଇବର ଅପରାଧ ଅଭିଯୋଗ ଗ୍ରହଣ କରାଯାଇଛି । ଯେତେବେଳେ କି ମାର୍ଚ୍ଚ ମାସରେ 37ଟି ଏବଂ ଫେବୃଆରୀରେ 21ଟି ଅଭିଯୋଗ ଆସିଥିଲା । ଲକଡାଉନ ଯୋଗୁଁ ଏହି ପ୍ୟାନେଲ ଅନଲାଇନରେ ଅଭିଯୋଗ ଗୁଡିକ ନେଉଥିବା ଜଣାପଡିଛି ।