ଭବାନୀପାଟଣା: ଜଙ୍ଗଲରୁ ଯୁବକର ମୃତଦେହ ଉଦ୍ଧାର । କୋକସରା ବ୍ଲକ ଆମପାଣି ଥାନା ସାହାଜଖୋଲ ଜଙ୍ଗଲ କୁଟୁରୁ ଗାଁ ର ଜଣେ ଯୁବକଙ୍କ ମୃତଦେହ ଉଦ୍ଧାର ହୋଇଛି । ମୃତ ଯୁବକ ଜଣକ ହେଲେ କୁଟୁରୁ ଗାଁର ସାମ ମାଝୀ ।
ମୃତ ଦେହ ଉଦ୍ଧାର
ସୂଚନା ମୁତାବକ ସାମ ମାଝୀ ଗତ ୮ ଦିନ ହେଲା ଘରୁ ବାହାରକୁ ଯାଇ ଫେରି ନ ଥିଲେ। ଏନେଇ ପରିବାର ଲୋକେ ଖୋଜାଖୋଜି କରିବା ପରେ ମଧ୍ୟ କୌଣସି ସନ୍ଧାନ ପାଇ ନଥିଲେ । ତେବେ ଆଜି ଜଙ୍ଗଲ କୁ ଯାଇଥିବା କିଛି ଲୋକ ଦୁର୍ଗନ୍ଧ ହେଉଥିବା ପରେ ଏକ ମୃତଦେହକୁ ଠାବ କରିଥିଲେ । ଏନେଇ ପୋଲିସ ଖବର ପାଇ ମୃତଦେହକୁ ଚିହ୍ନଟ କରିଥିଲା ।
ଆମପାଣି ପୋଲିସ ଘଟଣାସ୍ଥଳରୁ ମୃତଦେହ ଉଦ୍ଧାର କରିବା ସହ ବ୍ୟବଚ୍ଛେଦ କରି ପରିବାରକୁ ହସ୍ତାନ୍ତର କରିଛି । ଏନେଇ ପରବର୍ତ୍ତୀ ତଦନ୍ତ ଜାରି ରହିଥିବା ଜଣାପଡିଛି ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
