ଇସଲାମବାଦ: ପାକିସ୍ତାନରେ ଚରମ ସୀମାରେ ପହଞ୍ଚିଛି ବେକାରି ସମସ୍ୟା । ଲୋକଙ୍କ ପାଖରେ ରୋଜଗାର ନଥିବାରୁ ସବୁଠି ହାହାକାର । ଚାକିରି ପାଇଁ ଡହଳ ବିକଳ ହେଉଛନ୍ତି ଲୋକେ । ଏହାରି ମଧ୍ୟରେ ଇସଲାମବାଦ ପୋଲିସରେ କନଷ୍ଟେବଳ ପଦବୀ ପାଇଁ 30 ହଜାରରୁ ଊର୍ଦ୍ଧ୍ବ ଆବେଦନକାରୀ ଏକ ଷ୍ଟାଡ଼ିୟମର ପଡ଼ିଆ ତଳେ ବସି ପରୀକ୍ଷା ଦେଉଥିବା ଦେଖିବାକୁ ମିଳିଛି । ଗତ 5 ବର୍ଷ ଧରି ଏଠାରେ କନଷ୍ଟେବଳ ପଦବୀ ଖାଲି ପଡ଼ିଥିବା ବେଳେ ଚଳିତ ଥର 1667 ପଦବୀ ପାଇଁ ବିଜ୍ଞାପନ ପ୍ରକାଶ ପାଇଥିଲା ।
ଏହା ମଧ୍ୟ ପଢ଼ନ୍ତୁ: COVID-19: କୋଭିଡ ତଥ୍ୟ ଲୁଚାଉଛି ଚୀନ, ରିପୋର୍ଟ ମାଗିଲା WHO
1667 ପଦବୀ ପାଇଁ 30 ହଜାରରୁ ଊର୍ଦ୍ଧ୍ବ ଆଶାୟୀ
ଇସଲାମବାଦ ପୋଲିସର ସୂଚନା ଅନୁସାରେ, ପାକିସ୍ତାନର ବିଭିନ୍ନ ପ୍ରାନ୍ତରୁ ପ୍ରାୟ 30 ହଜାରରୁ ଊର୍ଦ୍ଧ୍ବ ପୁରୁଷ ଓ ମହିଳା ପ୍ରାର୍ଥୀ ଖାଲି ପଡ଼ିଥିବା 1667 ପଦବୀ ପାଇଁ ଲିଖିତ ପରୀକ୍ଷା ଦେଇଥିଲେ । ଶନିବାର ଦିନ ଇସଲାମବାଦ ସ୍ଥିତ ସ୍ପୋର୍ଟସ ଷ୍ଟାଡ଼ିୟମରେ ତଳେ ବସି ଆଶାୟୀ ପ୍ରାର୍ଥୀ ପରୀକ୍ଷା ଦେଇଥିଲେ । ତେବେ 1667 ପଦବୀ ପାଇଁ ଏତେ ମାତ୍ରାର ଆଶାୟୀ ପ୍ରାର୍ଥୀ ଦେଉଥିବାରୁ ପାକିସ୍ତାନରେ ବେକାରି ସମସ୍ୟା ଓ ଆର୍ଥିକ ସଂକଟ ନେଇ ଚର୍ଚ୍ଚା ହେଉଛି । ସରକାରୀ ଚାକିରିରେ ଅବହେଳିତ ନିଯୁକ୍ତି ଯୋଗୁଁ ବେରୋଜଗାରୀଙ୍କ ସଂଖ୍ୟା କ୍ରମଶଃ ବୃଦ୍ଧି ପାଇବାରେ ଲାଗିଛି । ଏହା ସତ୍ତ୍ବେ ସରକାରୀ କ୍ଷେତ୍ରରେ ଖାଲି ପଡ଼ିଥିବା ପଦବୀ ପାଇଁ ଲକ୍ଷ ଲକ୍ଷ ଆଶାୟୀ ଭର୍ତ୍ତି ହେବା ପାଇଁ ଉଦ୍ୟମ କରୁଛନ୍ତି ।
