ସିରିଆ ଉପକୂଳରେ ବୁଡିଲା ବୋଟ, 70ରୁ ଊର୍ଦ୍ଧ୍ବ ମୃତ

ସିରିଆ ଉପକୂଳରେ ଏକ ବୋଟ ବୁଡିଯିବା ଫଳରେ ପ୍ରାୟ 70 ପ୍ରାଣ ହରାଇଥିବା ସୂଚନା (boat sank in Syrian coast)। ବୋଟରେ ଶରଣାର୍ଥୀ ଥିବା ସନ୍ଦେହ । 20 ସୁରକ୍ଷିତ ଉଦ୍ଧାର । ନିଖୋଜଙ୍କୁ ଠାବ ପାଇଁ ଏବେ ମଧ୍ୟ ସର୍ଚ୍ଚ ଅପରେସନ ଜାରି । ଅଧିକ ପଢନ୍ତୁ

ଡୋମାସକସ: ମଧ୍ୟପ୍ରାଚ୍ୟ ଦେଶ ସିରିଆ ଉପକୂଳରେ ଏକ ବୋଟ ବୁଡିଯିବା ଫଳରେ ପ୍ରାୟ 70ରୁ ଊର୍ଦ୍ଧ୍ବ ପ୍ରାଣ ହରାଇଛନ୍ତି (boat that sank off the Syrian coast)। ଗୁରୁବାର ଏହି ଅଘଟଣ ଘଟିଛି । ବର୍ତ୍ତମାନ ସୁଦ୍ଧା ପ୍ରାୟ 30 ମୃତଦେହ (several dead in Syrian coast) ଉଦ୍ଧାର କରାଯାଇ ଥିବାବେଳେ ଏବେ ମଧ୍ୟ ଅନେକ ନିଖୋଜ ରହିଥିବା ସିରିଆ ସ୍ବାସ୍ଥ୍ୟ ମନ୍ତ୍ରଣାଳୟ ସୂଚନା ଦେଇଛି । ଦୁର୍ଘଟଣାର ଶିକାର ହୋଇଥିବା ଏହି ବୋଟରେ ଶରଣାର୍ଥୀ ଥିବା ନେଇ ମଧ୍ୟ ପ୍ରାଥମିକ ଭାବେ ସନ୍ଦେହ କରାଯାଉଛି ।

• At least 73 people died from a boat that sank off the Syrian coast, the Syrian Health Ministry said. pic.twitter.com/dJAN4UXV4h

  — IANS (@ians_india) September 23, 2022 " class="align-text-top noRightClick twitterSection" data="

  At least 73 people died from a boat that sank off the Syrian coast, the Syrian Health Ministry said. pic.twitter.com/dJAN4UXV4h

  — IANS (@ians_india) September 23, 2022

  ">

  At least 73 people died from a boat that sank off the Syrian coast, the Syrian Health Ministry said. pic.twitter.com/dJAN4UXV4h

  — IANS (@ians_india) September 23, 2022

ସ୍ବାସ୍ଥ୍ୟମନ୍ତ୍ରୀ ହାସନ ଅଲ ଗବ୍ବାସ ସୂଚନା ଦେଇ କହିଛନ୍ତି, ‘‘ଗୁରୁବାର ସିରିଆର ଉପକୂଳ ସହର ଟାର୍ଟୁସ (Tartous)ରେ ଏହି ଅଘଟଣ ଘଟିଛି (boat sank in Syrian coast) । ବୋଟରେ ମୋଟ କେତେ ଯାତ୍ରୀ କିମ୍ବା ଶରଣାର୍ଥୀ ଥିଲେ, ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନଥିବା ବେଳେ ପ୍ରାୟ 20 ଜଣଙ୍କୁ ଉଦ୍ଧାର କରାଯାଇଛି । ସେମାନଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇ ସେମାନଙ୍କ ଚିକିତ୍ସା କରାଯାଉଛି । ଏବେ ମଧ୍ୟ ନିଖୋଜଙ୍କୁ ଠାବ କରିବା ପାଇଁ ଉଦ୍ଧାର ଅପରେସନ ଜାରି ରହିଛି ।’’ ବର୍ତ୍ତମାନ ସୁଦ୍ଧା ପ୍ରାୟ 31 ମୃତଦେହ ଉଦ୍ଧାର କରାଯାଇ ସାରିଲାଣି । ସେମାନଙ୍କ ଚିହ୍ନଟ ପ୍ରକ୍ରିୟା ଜାରି ରହିଛି । ସେମାନେ ସିରିଆର ପ୍ରକୃତ ନାଗରିକ ନା ବେଆଇନ ଭାବେ ସିରିଆରେ ପ୍ରବେଶ କରିବା ପାଇଁ ଉଦ୍ୟମ କରୁଥିବା ଶରଣାର୍ଥୀ ତାହା ବର୍ତ୍ତମାନ ସଦ୍ଧା ମଧ୍ୟ ସ୍ପଷ୍ଟ ହୋଇନାହିଁ ।

ଦୁର୍ଘଟଣା ନେଇ ସିରିଆର ମାନବାଧିକାର କର୍ମୀ ଅଭିଯୋଗ କରିଛନ୍ତି, ଏହି ବୋଟରେ କ୍ଷମତା ଠାରୁ ଯଥେଷ୍ଟ ଅଧିକ ଯାତ୍ରୀ ଥିଲେ । ବୋଟରେ ମାତ୍ର 30 ଜଣ ଯାତ୍ରା କରିବା କ୍ଷମତା ଥିବା ବେଳେ ପ୍ରାୟ 100 ରୁ 150 ଜଣ ଏଥିରେ ଯାତ୍ରା କରୁଥିଲେ । ଅତ୍ୟଧିକ ଲୋଡିଂ କାରଣରୁ ଭାରସାମ୍ୟ ହରାଇ ଏପରି ଘଟିଥିବା ନେଇ ସେ ଆଶଙ୍କା ପ୍ରକାଶ କରିଛନ୍ତି ।

ଶରାଣାର୍ଥୀ ପ୍ରସଙ୍ଗ ଉଠିବାରୁ ପଡୋଶୀ ଲେବନନ ମଧ୍ୟ ପ୍ରତିକ୍ରିୟା ରଖିଛି । ଲେବନନ ପରିବହନ ମନ୍ତ୍ରୀ କହିଛନ୍ତି, ‘‘ସୁରକ୍ଷିତ ଭାବେ ଉଦ୍ଧାର ହୋଇଥିବା ଯାତ୍ରୀଙ୍କ ମଧ୍ୟରେ ମାତ୍ର 5 ଜଣ ଲେବନନ ନାଗରିକ ଥିବା ଜଣାପଡିଛି । ଅନ୍ୟ 12 ଜଣ ସିରିଆର ଓ 3 ଜଣ ପାଲେଷ୍ଟାଇନ ନାଗରିକ ରହିଛନ୍ତି । ସେହିପରି ପ୍ରାଣ ହରାଇଥିବା ଲେବନନ ନାଗରିକଙ୍କ ମୃତଦେହ ଉଦ୍ଧାର ପରେ ସେଗୁଡିକୁ ଲେବନନକୁ ଫେରାଇ ଅଣାଯିବା ନେଇ ସିରିଆ ସରକାରଙ୍କ ସହ ଆଲୋଚନା କରାଯିବା ନେଇ’’ ସେ ସୂଚନା ଦେଇଛନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ