ନୂଆଦିଲ୍ଲୀ: ବଢୁଛି ଆଦାନୀଙ୍କ ଅଡୁଆ । ଆମେରିକୀୟ ରିସର୍ଚ୍ଚ ଫର୍ମ ହିଣ୍ଡନବର୍ଗ ରିପୋର୍ଟ ଆସିବା ପରେ ଆଦାନୀ ଗ୍ରୁପର ସେୟାର ଭ୍ୟାଲ୍ୟୁ ଦିନକୁ ଦିନ ତଳକୁ ଖସିବାର ଲାଗିଛି । ୧୧୩ ବିଲିୟନ ଡଲାର ନେଟ ୱର୍ଥ ସହ ବିଶ୍ବର ଚତୁର୍ଥ ସ୍ଥାନରେ ଥିବା ଶିଳ୍ପପତି ଗୈତମ ଆଦାନୀ ଏବେ ବିଶ୍ବର ଟପ୍ ୨୦ ଧନୀ ଲିଷ୍ଟରୁ ମଧ୍ୟ ବାଦ ପଡିଛନ୍ତି ।
ହିଣ୍ଡନବର୍ଗ ରିପୋର୍ଟ ଆସିବା ପରେ ଆଦାନୀ ଗ୍ରୁପର ସେୟାର ଦିନକୁ ଦିନ ତଳକୁ ଖସିବାରେ ଲାଗିଛି । ଯାହା ଫଳରେ ତାଙ୍କର ନେଟ ୱର୍ଥର ଗ୍ରାଫ ଲଗାତାର ତଳକୁ ଖସୁଛି । ତେବେ ଫୋବର୍ସ ବିଲେନିୟର ଲିଷ୍ଟ ଅନୁଯାୟୀ ବିଶ୍ବର ଟପ୍ ୧୦ ବିଲେନିୟରଙ୍କ ଲିଷ୍ଟରେ ଚତୁର୍ଥ ସ୍ଥାନରେ ଥିବା ଶିଳ୍ପପତି ଗୌତମ ଆଦାନୀ ଏବେ ୨୪ ନମ୍ବରକୁ ଖସିଆସିଛନ୍ତି । ଏହାସହ ତାଙ୍କର ନେଟ ୱର୍ଥ ୧୧୩ ବିଲିୟନ ଡଲାରରୁ ଖସି ୪୯.୭ ବିଲିୟନ ଡଲାରକୁ ହ୍ରାସ ପାଇଛି ।
ବ୍ଲୁମବର୍ଗ ବିଲିୟନେୟାର ଇଣ୍ଡେକ୍ସ: ଏସିଆର ଅନ୍ୟତମ ଧନୀ ବ୍ୟକ୍ତି ଗୌତମ ଆଦାନୀ କିଛି ଦିନ ମଧ୍ୟରେ ବହୁ କ୍ଷତି ସହିଛନ୍ତି । କମ୍ପାନୀଗୁଡିକର ସେୟାରରେ ବିପୁଳ ହ୍ରାସ ହେତୁ ଆଦାନୀ ଗ୍ରୁପ୍ ପ୍ରାୟ ୬୫ ବିଲିୟନ ଡଲାରର କ୍ଷତି ସହିଛି । ବ୍ଲୁମବର୍ଗ ବିଲିୟନେୟାର ଇଣ୍ଡେକ୍ସ ରିପୋର୍ଟ ଅନୁଯାୟୀ ଗୌତମ ଆଦାନୀ ୪୯.୧ ବିଲିୟନ ଡଲାର ସହ ବିଶ୍ବର ଧନୀ ତାଲିକାରେ ୨୫ ନମ୍ବର ସ୍ଥାନରେ ରହିଛନ୍ତି ।
