ପ୍ୟାରିସ: ପୁଣି ଫ୍ରାନ୍ସର ରାଷ୍ଟ୍ରପତି ଭାବେ ନିର୍ବାଚିତ ହେଲେ ଇମାନୁଏଲ୍ ମାକ୍ରୋନ୍ । କ୍ରମାଗତ ଦ୍ୱିତୀୟ ଥର ପାଇଁ ମାକ୍ରୋନ୍ ରାଷ୍ଟ୍ରପତି ଭାବରେ ନିର୍ବାଚିତ ହୋଇଛନ୍ତି । ରାଷ୍ଟ୍ରପତି ନିର୍ବାଚନରେ ସେ ଦକ୍ଷିଣପନ୍ଥୀ ନେତା ମେରିନ ଲି ପେନଙ୍କୁ ପରାସ୍ତ କରିଛନ୍ତି ।
ସ୍ଥାନୀୟ ଗଣମାଧ୍ୟମ ଅନୁଯାୟୀ, ଇମାନୁଏଲ୍ ମାକ୍ରୋନ୍ ଫ୍ରାନ୍ସର ରାଷ୍ଟ୍ରପତି ନିର୍ବାଚନରେ 58.2 ପ୍ରତିଶତ ଭୋଟ୍ ପାଇଥିବା ବେଳେ ତାଙ୍କ ପ୍ରତିଦ୍ବନ୍ଦୀ ମେରିନ ଲି ପେନ 41.8 ପ୍ରତିଶତ ଭୋଟ୍ ପାଇଥିଲେ । ମାକ୍ରୋନଙ୍କ ବିଜୟ ପରେ ତାଙ୍କ ସମର୍ଥକ ମାନେ ବିଜୟ ଉତ୍ସବ ମନାଇଛନ୍ତି । ବିଶ୍ବର ଅନେକ ବଡବଡ ନେତା ମଧ୍ୟ ତାଙ୍କୁ ଶୁଭେଚ୍ଛା ଜଣାଇଛନ୍ତି । ବ୍ରିଟେନ ପ୍ରଧାନମନ୍ତ୍ରୀ ବୋରିସ୍ ଜନସନ ଟ୍ବିଟ କରି ମାକ୍ରନଙ୍କୁ ଇଂରାଜୀ ଏବଂ ଫରାସୀ ଭାଷାରେ ଅଭିନନ୍ଦନ ଜଣାଇଛନ୍ତି ।
2017ରେ ହୋଇଥିବା ରାଷ୍ଟ୍ରପତି ନିର୍ବାଚନରେ ଲି ପେନଙ୍କୁ ପରାସ୍ତ କରି ପ୍ରଥମ ଥର ରାଷ୍ଟ୍ରପତି ଭାବେ ଫ୍ରାନ୍ସର ସର୍ବ କନିଷ୍ଠ ରାଷ୍ଟ୍ରପତି ଭାବେ ନିର୍ବାଚିତ ହୋଇଥିଲେ ମାକ୍ରୋନ ।
