ଜେରୁଜେଲମ୍: ଜେଲରୁ ମୁକ୍ତି କରିବାକୁ ନେଇ ଦୀର୍ଘ 103 ଧରି ଅନଶନରେ ଥିବା ପାଲେଷ୍ଟାଇନ କଏଦୀ ଶେଷରେ ନିଜ ଉପବାସ ଭାଙ୍ଗିଛନ୍ତି । ଇସ୍ରାଇଲ ସରକାର ତାଙ୍କୁ ଜେଲରୁ ମୁକ୍ତି କରିବାକୁ ନିଷ୍ପତ୍ତି ନେବା ପରେ ସେ ଏହି ଅନଶନରୁ ଓହରିଛନ୍ତି । ନଭେମ୍ବର 26 ତାରିଖରେ ତାଙ୍କୁ ମୁକ୍ତି ଦିଆଯିବ ବୋଲି ଇସ୍ରାଇଲ ସରକାରଙ୍କ ପକ୍ଷରୁ ବ୍ୟବସ୍ଥା କରାଯାଇଛି ।
ତେବେ 50 ବର୍ଷିୟ ମହେର ଅଲ ଅଖରାସ 103 ଧରି ଅନଶନରେ ରହିବାରୁ ତାଙ୍କର ସ୍ବାସ୍ଥ୍ୟାବସ୍ଥା ବିଗିଡିଛି । ତାଙ୍କୁ 20 ଦିନ ହେବ ଡାକ୍ତରଖାନାରେ ଭର୍ତ୍ତି କରାଯାଇଛି । ଅଖସର ପାଲେଷ୍ଟାଇନ ଇସଲାମିକ ଜିହାଦ ଆନ୍ଦୋଳନ(ପିଆଇଜେ)ର ଜଣେ ସଦସ୍ୟ ଥିବା କହି ଇସ୍ରାଇଲ ତାଙ୍କୁ ଗିରଫ କରିଥିଲା । ଏପଟେ ତାଙ୍କ ପତ୍ନୀ ସେ କୌଣସି ସଙ୍ଗଠନ ସହ ଜଡିତ ନୁହଁନ୍ତି ବୋଲି କହିଛନ୍ତି ।
ଅନ୍ୟପଟେ ଇସଲାମିକ ହମାସ ଆନ୍ଦୋଳନ ଓ ପିଆଇଜେ ଅଲଗା ଅଲଗା ବିବୃତି ଜାରି କରି ଅଖସର ତାଙ୍କ ସଙ୍ଗଠନର ନୁହେଁ ଦର୍ଶାଇଛନ୍ତି ।
@IANS
