ୱେଲିଂଟନ: ସାରା ବିଶ୍ବରେ ଏବେ ଲକଡାଉନ ନିୟମରେ ବନ୍ଧା । ସାମାଜିକ ଦୂରତ୍ବ ଓ ସ୍ବଚ୍ଛତାର ମଧ୍ୟ ରହିଛି ପ୍ରତିବନ୍ଧକ । ସାଧାରଣ ଲୋକେ କୋରୋନାର ପ୍ରଭାବକୁ ହୃଦବୋଧ କରିବା ସହ ସରକାରୀ ନୀତି ନିୟମକୁ କିପରି ମାନିବେ ସେନେଇ ଚାଲିଛି ଜୋରସୋର ପ୍ରୟାସ । ଏମିତିରେ ନ୍ୟୁଜିଲାଣ୍ଡରେ ଦେଖିବାକୁ ମିଳିଛି ଏକ ଏପରି ଘଟଣା ଯେଉଁଥିରେ ଏହି ନିୟମ ଭାଙ୍ଗୁଥିବା ନଜର ଆସିଛନ୍ତି ଦେଶର ସ୍ବାସ୍ଥ୍ୟମନ୍ତ୍ରୀ ।
ସ୍ବାସ୍ଥ୍ୟମନ୍ତ୍ରୀ ଡେଭିଡ କ୍ଲାର୍କ ନିକଟରେ ସପରିବାର ସମୂଦ୍ରକୂଳକୁ ବୁଲିଯିବା ପାଇଁ ନେଇଥିଲେ 20 କିଲୋମିଟରର ଲଙ୍ଗ ଡ୍ରାଇଭ । ଯାହା ବର୍ତ୍ତମାନର ସରକାରୀ ନିୟମକୁ ଭାଙ୍ଗିବା ସହ ସାଧାରଣ ଲୋକଙ୍କୁ ଉତ୍ତ୍ୟକ୍ତ କରିଥିଲା । ହେଲେ ନିଜ ଭୁଲ ବୁଝିପାରି ଡେଭିଡ ପ୍ରଧାନମନ୍ତ୍ରୀ ଜାକିଣ୍ଡା ଆଡର୍ଣ୍ଣକୁ ନିଜ ଇସ୍ତଫା ପାଇଁ ଚିଠି ଲେଖିଥିଲେ । ଯାହାକୁ ଖାରଜ କରି ପ୍ରଧାନମନ୍ତ୍ରୀ ତାଙ୍କଠାରୁ ପଦବୀ ଛଡାଇବା ସହ କ୍ୟାବିନେଟରେ ତାଙ୍କ ରାଙ୍କ ଖସାଇଛନ୍ତି ।
ତେବେ ଚିଠିରେ ଲେଖିଥିଲେ କି ବର୍ତ୍ତମାନର ସଙ୍କଟ ସମୟରେ ଦେଶବାସୀ ସହଯୋଗର ହାତ ବଢାଇବା ସହ ସମସ୍ତ ସରକାରୀ ନିୟମ କାନୁନକୁ କଡାକଡି ଭାବେ ମାନୁଛନ୍ତି । ଏମିତିରେ ଏପରି ନିୟମ ଉଲ୍ଲଙ୍ଘନକାରୀ କାର୍ଯ୍ୟକଳାପ ଅନେକଙ୍କୁ ବ୍ୟକ୍ତିଗତସ୍ତରରେ ମର୍ମାହତ କରିଛି । ପରିଣାମ ସ୍ବରୂପ ସେ ଅନେକ ଲୋକଙ୍କ ଆକ୍ରୋଶର ଶିକାର ହୋଇଛନ୍ତି । ତେବେ ତାଙ୍କର ଏହି ଭୁଲର ଶାସ୍ତି ଇସ୍ତଫା ।
