ଲଣ୍ଡନ: ସତର୍କ ପଦକ୍ଷେପ ସହ ୟୁକେ ଖୁବଶୀଘ୍ର ତୃତୀୟସ୍ତର ଲକାଡଉନରେ ପ୍ରବେଶ କରିବା ପାଇଁ ପ୍ରସ୍ତୁତ ରହିଛି । ଏନେଇ ସୋମବାର ସୂଚନା ଦେଇଛନ୍ତି ବ୍ୟବସାୟ ସଚିବ ଆଲୋକ ଶର୍ମା । ଦୈନନ୍ଦିନ ବିବରଣୀ ଦେଇ ସେ ଗଣମାଧ୍ୟମକୁ କହିଛନ୍ତି କି ଦେଶରେ କୋରୋନା ଦ୍ବାରା ସଂକ୍ରମିତଙ୍କ ସଂଖ୍ୟା ଆଧରରେ ଏହି ନିଷ୍ପତ୍ତି ନିଆଯାଇଛି । ଦେଶରେ ଆଲର୍ଟ ସ୍ତର ଯେତିକି ବଢିବ ଲକଡାଉନର କଟକଣା ସେତିକି କଡା ହେବ ବୋଲି ସେ ସୂଚନା ଦେଇଛନ୍ତି ।
ତେବେ ୟୁକେର ଜନତା ସାମାଜିକ ଦୂରତା ନିୟମକୁ କଡାକଡି ପାଳନ କରୁଥିବାରୁ ସେମାନଙ୍କୁ ଧନ୍ୟବାଦ ଜଣାଇଛନ୍ତି ଆଲୋକ । ଦେଶରେ କୋରୋନା ପରିସ୍ଥିତି ଗମ୍ଭୀର ରହିଥିବା ବେଳେ ନାଗରିକଙ୍କ ସହଯୋଗ ଯୋଗୁଁ ବର୍ତ୍ତମାନ ଲକଡାଉନ ସ୍ତର ତୃତୀୟକୁ ହ୍ରାସ ପାଇଛି । ତେବେ ଦେଶ ବର୍ତ୍ତମାନ ସତର୍କତାମୂଳକ ପଦକ୍ଷେପ ସହ ତୃତୀୟସ୍ତରକୁ ଯିବା ପାଇଁ ପ୍ରସ୍ତୁତ ରହିଥିବା ସେ ପ୍ରକାଶ କରିଛନ୍ତି ।
ଏହି ନିୟମ ଲାଗୁ ପରେ ସରକାର ପ୍ରତ୍ୟେକ ସ୍ତରରେ ଏହାର ପ୍ରଭାବକୁ ନିରୀକ୍ଷଣ କରିବେ । ଏହାପରେ ଯେବେ ସରକାରଙ୍କୁ ଅନୁଭବ ହେବ କି ଦେଶ ସୁସ୍ଥ ରହିଛି, ସେହି ସମୟରେ ହିଁ ପରବର୍ତ୍ତୀ ପଦକ୍ଷେପ ନିଆଯିବ । ନୂଆ ନିମୟ ଆଧାରରେ ବର୍ତ୍ତମାନ ଲୋକେ ନିଜ ଘରୁ ବାହାରି ଚଲାବୁଲା କରିବା ସହ ବ୍ୟାୟାମ ମଧ୍ୟ କରିପାରିବେ । ହେଲେ ବନ୍ଧୁ ବାନ୍ଧବ ଓ ପଡୋଶୀଙ୍କ ଘରକୁ ଯିବାରେ ଏବେ ବି କଟକଣା ବଳବତ୍ତର ରହିବ । କିନ୍ତୁ ଜଣେ ଚାହିଁଲେ ଘର ବାହାରେ ଅନ୍ୟଙ୍କୁ ଦେଖା କରିପାରିବ । ଆଉ ଏହି ସମୟରେ ସାମାଜିକ ଦୂରତା ବଜାୟ ରଖିବା ପାଇଁ ନିର୍ଦ୍ଦେଶ ଜାରି ହୋଇଛି ।
ବର୍ତ୍ତମାନ ଦେଶରେ 34,636ଜଣଙ୍କର କୋରୋନାରେ ମୃତ୍ୟୁ ହୋଇଥିବା ବେଳେ ଏଯାବତ 2,44,995ଜଣ ଆକ୍ରାନ୍ତ ରହିଥିବା ଜଣା ପଡିଛି ।
@IANS
