ଲଣ୍ଡନ: ତୁର୍କୀରେ ଘରୋଇ ଲୋକଙ୍କ ଟାର୍ଗେଟ କରି କେତେକ ଫେକ ଆକାଉଣ୍ଟ ପରିଚାଳିତ ହେଉଛି । ଏହି ଆକାଉଣ୍ଟରେ ସନ୍ଦେହଜନକ ତଥ୍ୟ ରହିଥିବାରୁ ପ୍ରାୟ 7340ଟି ଟ୍ବିଟର ଆକାଉଣ୍ଟକୁ ଡିଲିଟ କରିଥିଲା ଟ୍ବିଟର । ଯାହାର ପ୍ରତିବାଦରେ ଏହି ସବୁ ଆକାଉଣ୍ଟ ରାଷ୍ଟ୍ରପତି ରେସେପ ତାୟିପଙ୍କ ସମର୍ଥନରେ ଖୋଲାଯାଇଥିବା ଫେକ ଆକାଉଣ୍ଟ ନୁହେଁ ବୋଲି ତୁର୍କୀ ଜବାବ ଦେଇଛି ।
ଏହି ବିବାଦରେ ତୁର୍କୀ ପ୍ରେସିଡେନ୍ସି କମ୍ୟୁନିକେସନ୍ସର ନିର୍ଦ୍ଦେଶକ ଫାହରେଟିନ ଅଲତୁନ କହିଛନ୍ତି କି ଟ୍ବିଟର କୌଣସି ସାଧାରଣ ସୋସିଆଲ ମିଡିଆ ହୋଇ ରହିନାହିଁ । ଏହା ରାଜନୈତିକ ଓ କିଛି ନିର୍ଦ୍ଦିଷ୍ଟ ବିଚାରଧାରାକୁ ନେଇ ପରିଚାଳିତ ଏକ ପ୍ରଚାର ଯନ୍ତ୍ର ମାତ୍ର । ଏଠାରେ ଲୋକଙ୍କର ନିଜ ବାକ୍ ସ୍ବାଧୀନତା ଅନେକ ସମୟରେ କ୍ଷୁର୍ଣ୍ଣ ହେଉଥିବା ଦେଖିବାକୁ ମିଳିଛି । ଜ୍ବଳନ୍ତ ଉଦାହରଣ ସ୍ବରୂପ ଟ୍ବିଟରରୁ ଡିଲିଟ ହୋଇଥିବା ହଜାର ହଜାର ଆକାଉଣ୍ଟକୁ କେଉଁ ଆଧାରରେ ଟ୍ବିଟର ଫେକ ଓ ଭ୍ରମାତ୍ମକ ନିର୍ଣ୍ଣୟ କରିଥିଲା ବୋଲି ସେ ପ୍ରଶ୍ନ କରିଥିଲେ ।
ଟ୍ବିଟର ଏନେଇ ଦର୍ଶାଇଥିବା କାରଣ ଯୁକ୍ତିଯୁକ୍ତ ନୁହେଁ ଏବଂ ଏହି ସବୁ କାରଣ ପକ୍ଷପାତିତାର ଆଭାସ ଦେଉଛି ବୋଲି ତୁର୍କୀ ଅଭିଯୋଗ କରିଛି । ତେବେ ପ୍ରତିବାଦ ସ୍ବରୂପ ନିକଟରେ ୟୁଟ୍ୟୁବ୍, ୱିକିପିଡିଆ, ଅନଲାଇନ ଏନସାଇକ୍ଲୋପିଡିଆ ଓ ଟ୍ବିଟର ଆଦିର ଆକ୍ସେସକୁ ତୁର୍କୀରେ ବ୍ଲକ କରାଯାଇଥିଲା । ସେପଟେ ଶୁକ୍ରବାର ଟ୍ବିଚର ଦେଇଥିବା ରିପୋର୍ଟ ମୁତାବକ ମୋଟ ତୁର୍କୀ, ଚୀନ ଓ ଋଷିଆରେ 32,242ଟି ଆକାଉଣ୍ଟକୁ ଫେକ ଦର୍ଶାଯାଇ ଡିଲିଟ କରାଯାଇଛି । ସେହିପରି କେବଳ ଚୀନରେ 1.73 ଲକ୍ଷ ଆକାଉଣ୍ଟକୁ ଟ୍ବିଟର ଡିଲିଟ କରିଥିବା ଜଣା ପଡିଛି ।
@IANS
