ଷ୍ଟକହୋମ: ମହାମାରୀ କୋରୋନା କୋପରୁ ରକ୍ଷା ପାଇବା ପାଇଁ ସବୁଦେଶରେ ଲକଡାଉନ କରାଯାଉଛି । ଆଉ ଲକଡାଉନର ନିୟମ ମଧ୍ୟ ବହୁତ କଡାକଡି ରହୁଛି । କେଉଁ ଦେଶରେ ଲକଡାଉନର ପ୍ରଭାବରେ ମୃତ୍ୟୁ ସଂଖ୍ୟା କିମ୍ବା ସଂକ୍ରମିତଙ୍କ ସଂଖ୍ୟା କମୁଥିବା ବେଳେ କେଉଁଠି ବଢି ବଢି ଚାଲିଛି । ସେପଟେ ସ୍ବିଡେନରେ ଲକଡାଉନରେ ବି ଭାରି ଆରାମା ଦାୟକ ରହିଛି । କିନ୍ତୁ ସଂକ୍ରମଣ ହାର ସ୍ଥିର ରହିଛି । ଏନେଇ ଚାରିଆଡେ ଚର୍ଚ୍ଚା ହେଉଛି ।
ତେବେ ସ୍ବିଡେନ ସରକାର କେଉଁ ପଦ୍ଧତି ଆପଣାଇଛନ୍ତି ସେନେଇ ସ୍ପଷ୍ଟ ଜଣାପଡିନାହିଁ । କିନ୍ତୁ ଅପେକ୍ଷାକୃତ ଆରାମଦାୟକ ଲକଡାଉନରେ ବି ଏହା କିପରି ସମ୍ଭବ ହୋଇଛି ଏନେଇ ଅନ୍ୟ ଦେଶ ଗୁଡି ମଧ୍ୟରେ ଉତ୍ସୁକତା ଦେଖାଦେଇଛି । ସେପଟେ ଲକଡାଉନ ସତ୍ତ୍ବେ ବି ସ୍କୁଲ, ଜିମ, ରେଷ୍ଟୋରାଁ, କେଫେ, ବାର ଆଦି ଖୋଲା ରହିଛି । କିନ୍ତୁ ସରକାର ସାମାଜିକ ଦୂରତା ବଜାୟ ରଖିବା ସହ ଦାୟିତ୍ବ ବୋଧକ କାର୍ଯ୍ୟ କରିବାକୁ ଅନୁରୋଧ କରିଛନ୍ତି । ସ୍ବିଡେନରେ କୋଉଁ ରଣନୀତି ଆପଣାଯାଇଛି ସେ ନେଇ ଆଲୋଚନା ପର୍ଯ୍ୟାଲୋଚନା ଜାରି ରହିଛି ।
ରବିବାର ସୁଦ୍ଧା ସ୍ୱିଡେନରେ କୋଭିଡ -19ରେ 1,540 ମୃତ୍ୟୁବରଣ କରିଥିବା ଜଣାଯାଇଛି, ଯାହା ଶନିବାରଠାରୁ 29 ବୃଦ୍ଧି ପାଇଛି । ଇଟାଲୀ, ସ୍ପେନ୍ ଏବଂ ୟୁକେ ତୁଳନାରେ ଏଠାରେ ମୃତ୍ୟୁ ସଂଖ୍ୟା ଆପେକ୍ଷିକ କୃତ କମ ରହିଛି ।
