ନ୍ୟୁୟର୍କ: ବଲିଉଡ ଷ୍ଟାରଙ୍କୁ ପ୍ରେମ କରିବା ପଡିଲା ମହଙ୍ଗା । ପତ୍ନୀଙ୍କ ପ୍ରେମ ସହିପାରିଲେନି ପତି । ଆଉ ଶେଷରେ ଜୀବନରେ ମାରିଦେବାକୁ ମଧ୍ୟ ପଛାଇଲେନି । ଆମେରିକାର ନ୍ୟୁୟର୍କରେ ଘଟିଛି ଏପରି ଅଭାବନୀୟ ଘଟଣା ।
ପୋଲିସ ସୂଚନାନୁସାରେ କୁଇନ୍ସ ସହରର ଦିନେଶ୍ବର ବୁଦ୍ଧିଦତ ତାଙ୍କ ପତ୍ନୀ ଡୋନ୍ନେ ଡୋଜୟଙ୍କୁ ଛୁରୀ ଭୁସି ହତ୍ୟା କରିଛନ୍ତି। ଏହାପରେ ସେ ନିଜେ ମଧ୍ୟ ବେକରେ ରଶି ଲଗାଇ ଆତ୍ମହତ୍ୟା କରିଛନ୍ତି । ପୋଲିସ ଉଭୟଙ୍କ ଶବ ଜବତ କରି ବ୍ୟବଚ୍ଛେଦ ଲାଗି ପଠାଇଛି।
ତେବେ ଖବର ଅନୁସାରେ ଦିନେଶ୍ବର ପତ୍ନୀଙ୍କ ହ୍ରିତିକ ରୋଶନ ପ୍ରେମରେ ଇର୍ଷାନ୍ବିତ ହୋଇପଡିଥିଲେ । ବଲିଉଡ ଷ୍ଟାର ହ୍ରିତିକଙ୍କର ଫ୍ୟାନ ଥିଲେ ପତ୍ନୀ । ତାଙ୍କର କୌଣସି ବି ଫିଲ୍ମକୁ ସେ ମିସ କରୁନଥିଲେ । ଏପରିକି ଟିଭିରେ ଯଦି ହ୍ରିତିକଙ୍କ କୌଣସି ଗୀତ ବାଜୁଥାଏ ସେ ସବୁ କାମ ଛାଡି ବସି ଦେଖିବାରେ ଲାଗନ୍ତି । ଯାହାକୁ ନେଇ ଦିନେଶ୍ବର ଅଧିକ ଇର୍ଷାନ୍ବିତ ହୋଇଥିଲେ ।
ହ୍ରିତିକ ପ୍ରତି ଅତ୍ୟଧିକ ପ୍ରେମ ତାଙ୍କୁ ବାଧିଥିଲା । ପେସାରେ ଜଣେ ବାର ଟେଣ୍ଡର ଥିଲେ ପତ୍ନୀ ଡୋନ୍ନେ ।
