ଲଣ୍ଡନ: କୋରୋନା ସଂକ୍ରମଣରୁ ବଞ୍ଚିବା ପାଇଁ ବ୍ରିଟେନ ସରକାର 14 ଦିନିଆ କ୍ବାରେଣ୍ଟାଇନ ନିୟମ ଘୋଷଣା କରିଥିଲେ । ଏହି ଘୋଷଣାରୁ ଏବେ ବାଦ ପଡିବନି ଫ୍ରାନ୍ସ । ଫ୍ରାନ୍ସରୁ ଯଦି କେହି ବ୍ରିଟେନ ଯାଆନ୍ତି ତେବେ ଦେଶର ନିୟମ ଅନୁଯାୟୀ ସେମାନଙ୍କୁ ପ୍ରଥମେ 14 ଦିନ କ୍ବାରେଣ୍ଟାଇନରେ ରହିବାକୁ ପଡିବ । କିନ୍ତୁ ଯଦି କେହି ବ୍ୟବସାୟ ଉଦ୍ଦେଶ୍ୟରେ ଟ୍ରାଭେଲ କରୁଥାଆନ୍ତି ତେବେ ସେମାନଙ୍କୁ ଏହି ନିୟମରୁ ବାଦ ଦିଆଯିବ ।
ରବିବାର ପ୍ରଧାନମନ୍ତ୍ରୀ ବୋରିଶ ଜନଶନ ଏନେଇ ଘୋଷଣା କରି କହିଛନ୍ତି କି ବ୍ରିଟେନକୁ ଆସୁଥିବା ଯେକୌଣସି ବ୍ୟକ୍ତିଙ୍କୁ ପ୍ରଥମେ 14 ଦିନ ଆଇସୋଲେସରେ ରହିବାକୁ ପଡିବ । ଏହାପରେ ସେ ଦେଶରେ ଯେକୌଣସି କୋଣକୁ ଯାତ୍ରା କରିବାରେ କୌଣସି ଅସୁବିଧା ନାହିଁ । ଏହି ନିୟମ ପୂର୍ବରୁ ଫ୍ରାନ୍ସ ପାଇଁ ଲାଗୁ ହୋଇନଥିବା ବେଳେ ଏବେ ଫ୍ରାନ୍ସକୁ ମଧ୍ୟ ଏହି ନିୟମ ପରିସରକୁ ଅଣାଯାଇଛି ।
କେତେକ ଯାତ୍ରୀ ଚାଲାକି କରି ଫ୍ରାନ୍ସ ଦେଇ ଯାତ୍ରା କରିପାରନ୍ତି । ଆଉ ଫ୍ରାନ୍ସ ପାଇଁ ଏପରି ନିୟମ ଲାଗୁ ହୋଇନଥିବାରୁ ଲୋକେ ବିନା ଦ୍ବିଧାରେ ଦେଶରେ ବୁଲିପାରିଥାଆନ୍ତେ । ଯାହା ଦେଶ ପାଇଁ ବିପଦ ସୃଷ୍ଟି କରିଥାଆନ୍ତା । ତେବେ ଆୟରଲାଣ୍ଡରେ ଦେଖିବାକୁ ମିଳିଛି କିଛି ଭିନ୍ନ ନୀତି । ଯଦି ବାହାରୁ ଆସିଥିବା କୌଣସି ବ୍ୟକ୍ତି ନିଜକୁ ଆଇସୋଲେଟ କରିବାକୁ ମନା କରନ୍ତି ତେବେ, ସେମାନଙ୍କୁ 1000 ପାଉଣ୍ଡର ତଣ୍ଡ ଗଣିବାକୁ ହେବ ବୋଲି ସରକାର ଘୋଷଣା କରିଛନ୍ତି ।
@IANS
