ମସ୍କୋ: କୋରୋନା ପାଇଁ ସାରାବିଶ୍ବ ଆତଙ୍କିତ । ଯାହାକୁ ପ୍ରତିହତ କରିବା ପାଇଁ ସରକାର ଦେଶବ୍ୟାପୀ ଲକଡାଉନ ଘୋଷଣା କରିଥିଲେ । ବିଗତ ଅଢେଇ ମାସ ଧରି ଚାଲିଥିବା ଲକଡାଉନ ପରେ ଏବେ ମସ୍କୋରେ ମହାମାରୀ କୋରୋନା ପ୍ରଭାବ ହ୍ରାସ ପାଇଥିବା ଦେଖିବାକୁ ମିଳିଛି । ଏହି ମହାମାରୀର ପତନ ହେବା ପରେ ସୋମବାର ଦିନ ପ୍ରଥମ ଥର ପାଇଁ ମସ୍କୋ ବାସିନ୍ଦା ବୁଲିବାକୁ ବାହାରିଛନ୍ତି ।
ଗତ ସପ୍ତାହରେ ମସ୍କୋ ମେୟର ସର୍ଜେ ବ୍ୟାନିନ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ କହିଥିଲେ ଯେ, 12.7 ନିୟୁତ ଜନସଂଖ୍ୟା ବିଶିଷ୍ଟ ଋଷର ରାଜଧାନୀରେ ଲକଡାଉନକୁ କୋହଳ କରିବେ , ଏବଂ ଦୋକାନ ଖୋଲିବାକୁ ଅନୁମତି ମିଳିପାରେ । ମସ୍କୋରେ ମାର୍ଚ୍ଚ ଶେଷରେ ଯେଉଁ ସବୁ ଦୋକାନ ଗୁଡ଼ିକୁ ବନ୍ଦ କରିବାକୁ ନିର୍ଦ୍ଦେଶ ଦିଆଯାଇଥିଲା, ସେସବୁକୁ ଏବେ ଖୋଲିବାକୁ ଅନୁମତି ଦିଆଯିବ । ଏପରିକି ମସ୍କୋ ବାସିନ୍ଦାଙ୍କୁ ନିର୍ଦ୍ଦିଷ୍ଟ ଦିନରେ ସପ୍ତାହରେ ତିନିଥର ବୁଲିବାକୁ ଅନୁମତି ଦିଆଯିବ ଯାହା ସେମାନେ ରହୁଥିବା ଠିକଣା ଦ୍ୱାରା ନିର୍ଣ୍ଣୟ କରାଯାଏ । ଲୋକମାନେ ବାହାରେ କ୍ରୀଡା, ଜଗିଙ୍ଗ କରିପାରିବେ, ମାତ୍ର ସକାଳ 5 ଟାରୁ 9 ଟା ମଧ୍ୟରେ ବୋଲି ଅଧିକାରୀମାନେ କହିଛନ୍ତି। ସପିଂ ସେଣ୍ଟର ଏବଂ ଅଧିକାଂଶ ପାର୍କ, ଯାହାକି ଦୀର୍ଘ ଦିନ ଧରି ବନ୍ଦ ହୋଇ ରହିଥିଲା, କେବଳ ସୋମବାର ଦିନ ଏହା ଖୋଲାଯିବ, ଯଦିଓ ସେମାନଙ୍କ ଭିତରେ ପିଲାମାନଙ୍କ ଖେଳ ପଡିଆ ଏବଂ କ୍ରୀଡା ସୁବିଧା ବନ୍ଦ ରହିବ |
ଋଷର 11ଟି ଟାଇମ୍ ଜୋନର ଅଧିକାରୀମାନେ ପ୍ରତିଦିନ ହଜାରରୁ ଅଧିକ ନୂତନ ସଂକ୍ରମଣ ରିପୋର୍ଟ କରୁଛନ୍ତି ଏବଂ ନିଶ୍ଚିତ ହୋଇଥିବା ମାମଲା ପରିମାଣ ଦୃଷ୍ଟିରୁ ରାଜଧାନୀ ସବୁଠାରୁ ଅଧିକ ପ୍ରଭାବିତ ହୋଇଛି। କିନ୍ତୁ ଗତ ସପ୍ତାହରେ ସଂକ୍ରମଣ ହାର ତୀବ୍ର ହ୍ରାସ ପାଇଛି। ମସ୍କୋ ରବିବାର ଦିନ 2595 ନୂତନ ସଂକ୍ରମଣ ରିପୋର୍ଟ କରିଛି। ଦୈନିକ ସଂକ୍ରମଣ ବୃଦ୍ଧି ପୂର୍ବରୁ 6,000 ରୁ ଅଧିକ ବେଗରେ ଚାଲୁଥିଲା । କରୋନା ପ୍ରଭାବରେ ଋଷର ସୁନିଶ୍ଚିତ ମାମଲା ସପ୍ତାହକ ମଧ୍ୟେ 400,000 ଅତିକ୍ରମ କରିଛି, ଯାହାକି ବିଶ୍ୱର ତୃତୀୟ ସର୍ବାଧିକ।
