ମାଦ୍ରିଦ: ସ୍ପେନରେ କରାଳ ରୂପ ଧାରଣ କରୁଛି କୋରୋନା ମହାମାରୀ । ବିଶ୍ବରେ କୋରୋନା ପ୍ରଭାବରେ ତୃତୀୟ ସବୁଠାରୁ ଅଧିକ ମୃତ୍ୟୁ ସଂଖ୍ୟା ଦେଖିଛି ସ୍ପେନ । ଗୁରୁବାର ଦେଶରେ 24 ଘଣ୍ଟା ମଧ୍ୟରେ 440 ଜଣଙ୍କର ମୃତ୍ୟୁ ରେକର୍ଡ ହୋଇଛି । ଏଥିସହ ଦେଶରେ ମୋଟ ମୃତ୍ୟୁ ସଂଖ୍ୟା 22,157ରେ ପହଞ୍ଚିଛି ।
ବିଶ୍ବରେ ବର୍ତ୍ତମାନ ସୁଦ୍ଧା ଆମେରିକା ସବୁଠାରୁ ଅଧିକ କୋରୋନା ମୃତ୍ୟୁ ଦେଖିଥିବା ବେଳେ ଦ୍ବିତୀୟରେ ରହିଛି ଇଟାଲୀ । ଏହାପରେ ତୃତୀୟ ସ୍ଥାନରେ ରହିଛି ସ୍ପେନ । ତେବେ ସ୍ପେନ ସ୍ବାସ୍ଥ୍ୟ ବିଭାଗର ସୂଚନା ମୁତାବକ ଦେଶରେ ବର୍ତ୍ତମାନ ଆକ୍ରାନ୍ତ ସଂଖ୍ୟା 2,13,000ରେ ପହଞ୍ଚିଛି ।
କୋରୋନା ସଂକ୍ରମଣ ରୋକିବା ପାଇଁ ଦେଶରେ ବିଭିନ୍ନ ସଚେତନମୂଳକ ପଦକ୍ଷେପ ନିଆଯିବା ସତ୍ତ୍ବେ ଦେଶରେ ପରିସ୍ଥିତି ଖରାପ ହେବାରେ ଲାଗିଛି । ଯାହା ଏକ ବଡ ଚିନ୍ତାର କାରଣ ପାଲଟିଛି ।
