ଲଣ୍ଡନ: ଶେଷରେ ୟୁରୋପୀୟ ସଂଘରୁ ଅଲଗା ହେଲା ବ୍ରିଟେନ । ଶୁକ୍ରବାର ରାତି ୧୧ଟା ବେଳେ ବ୍ରିଟେନ ଆନୁଷ୍ଠାନିକ ଭାବେ ୟୁରୋପୀୟ ସଂଘରୁ ବିଦାୟ ନେଇଛି । 31 ଜାନୁଆରୀରେ ଅଲଗା ହେବା ନେଇ ପୂର୍ବରୁ ଘୋଷଣା କରିଥିଲେ ପ୍ରଧାନମନ୍ତ୍ରୀ ବୋରିସ ଜନସନ ।
ଦୀର୍ଘ 47 ବର୍ଷର ପୁରୁଣା ସମ୍ପର୍କକୁ ଭାଙ୍ଗି ୟୁରୋପୀୟ ସଂଘରୁ ନିଜକୁ ଅଲଗା କରିନେଇଛି ବ୍ରିଟେନ । ଏଥିପାଇଁ ତିନି ବର୍ଷ ତଳେ ବ୍ରିଟେନବାସୀ ସହମତି ପ୍ରକାଶ କରିଥିଲେ । ସେତେବେଳେ ତତ୍କାଳୀନ ପ୍ରଧାନମନ୍ତ୍ରୀ ବ୍ରେକ୍ସିଟକୁ କାର୍ଯ୍ୟକାରୀ କରିବେ ବୋଲି ସଂକଳ୍ପ ନେଇଥିଲେ । ଏହାସହ ୟୁରୋପୀୟ ସଂଘର ତିନି ପ୍ରମୁଖ ମଧ୍ୟ ଏହାକୁ ସ୍ବାଗତ କରିବା ସହ ବ୍ରିଟେନ ପାଇଁ ଏହା ଏକ ନୂଆ ସକାଳ ବୋଲି କହିଛନ୍ତି । ୟୁରୋପୀୟ ସଂଘରୁ ଅଲଗା ହେବା ପରେ ବ୍ରିଟେନ ଆଗକୁ ଆଉ କାହା ଆଗରେ ନଇଁବ ନାହିଁ ବୋଲି ଦୃଢୋକ୍ତି ପ୍ରକାଶ କରିଛି ।
