ଲଣ୍ଡନ: ୟୁକେ ପ୍ରଧାନମନ୍ତ୍ରୀ ବୋରିଶ ଜନସନଙ୍କ ଅନୁମୋଦନ ରେଟିଂ ଗତ କିଛି ଦିନ ମଧ୍ୟରେ କମି ନକାରାତ୍ମକ ସଂଖ୍ୟାରେ ପହଞ୍ଚିଛି । ଅପ୍ରତ୍ୟାଶିତ ଭାବେ ଗତ କିଛି ଦିନ ହେବ ବୋରିଶ ଜନସନଙ୍କ ସହଯୋଗୀ ଲକଡାଉନ ନିୟମ ଭାଙ୍ଗିଥିବା ଚର୍ଚ୍ଚା ଚାଲିଥିବା ବେଳେ ଏହା ତାଙ୍କ ଅନୁମୋଦନ ରେଟିଂ ଉପରେ ପ୍ରଭାବ ଦେଖାଇଛି । 4 ଦିନ ତଳେ ତାଙ୍କର ଅନୁମୋଦନ ରେଟିଂ +19 ରହିଥିବା ବେଳେ ମଙ୍ଗଳବାର ଏହା -1ରେ ପହଞ୍ଚିଛି ।
କୋରୋନା ଭୂତାଣୁ ଡାଟା ହ୍ୟାକର ‘ସାଭାନ୍ତା’ ଦେଶରେ କୋରୋନା ପ୍ରତି ଲୋକଙ୍କ ପ୍ରତିକ୍ରିୟାର ରେକର୍ଡ ରଖୁଥିବା ବେଳେ ଏହା 4 ଦିନ ତଳେ ପ୍ରଧାନମନ୍ତ୍ରୀଙ୍କ ଅନୁମୋଦନ ରେଟିଂକୁ +19 ଦର୍ଶାଇଥିଲା । ହେଲେ ବୋରିଶଙ୍କ ଘନିଷ୍ଠ ସହଯୋଗୀ ଡୋମିନିକ କ୍ୟୁମିଙ୍ଗଙ୍କ ଲକଡାଉନ ନିୟମ ଇଲଙ୍ଘନ ବିବାଦ ମୁଣ୍ଡ ଟେକିବାରୁ ଏହାର ପ୍ରଭାବ ବୋରିଶଙ୍କ ଉପରେ ଦେଖିବାକୁ ମିଳିଛି ।
ଆଶ୍ଚର୍ଯ୍ୟର କଥା ଯେ, ବୋରିଶଙ୍କ ଅନୁମୋଦନ ରେଟିଂ ବର୍ତ୍ତମାନ ଦେଶର ସାଧାରଣ ଜନତାଙ୍କ ରେଟିଂଠାରୁ ବି କମ ରହିଥିବା ଜମା ପଡିଛି । ଏପରିକି ଶ୍ରମ ବିଭାଗ ମୁଖ୍ୟ କୈର ଷ୍ଟାର୍ମରଙ୍କ ଅନୁମୋଦନ ରେଟିଂ 12 ପ୍ରତିଶତକୁ ବୃଦ୍ଧି ପାଇଥିବା ବେଳେ ଚାନ୍ସେଲର ରିଶି ସୁନାକଙ୍କ ଅନୁମୋଦନ ରେଟିଂ 35 ପ୍ରତିଶତରୁ 20 ପ୍ରତିଶତକୁ ହ୍ରାସ ପାଇଥିବା ଦେଖିବାକୁ ମିଳିଛି ।
@IANS
