ଟୋକିଓ: ଆଜି ଖୋଲିଲା ଜାପାନର ରାଜଧାନୀ ଟୋକିଓରେ ଥିବା ଡିଜନିଲ୍ୟାଣ୍ଡ । କୋରୋନା ଭାଇରସର ନୂଆ ସୁରକ୍ଷା ବ୍ୟବସ୍ଥା ଗ୍ରହଣ କରିବା ପରେ ଦୀର୍ଘ 4 ମାସ ପରେ ପ୍ରଥମ ଥର ପାଇଁ ଟୋକିଓର ଡିଜନିଲ୍ୟାଣ୍ଡ ଖୋଲାଯାଇଛି ।
ନୂତନ ନିୟମରେ 37.5 ଡିଗ୍ରୀରୁ ଅଧିକ ଜ୍ୱର ଥିବା କିମ୍ବା କୋରୋନା ଲକ୍ଷଣ ଥିବା ଭ୍ରମଣକାରୀଙ୍କୁ ଡିଜନିଲ୍ୟାଣ୍ଡ ଭିତରକୁ ପ୍ରବେଶ ନକରିବାକୁ ନିର୍ଦ୍ଦେଶ ରହିଛି । ପରିଦର୍ଶକମାନେ ପାର୍କରେ ଥିବାବେଳେ ଫେସ ମାସ୍କ ପିନ୍ଧିବା ସହିତ ନିୟମିତ ଭାବେ ହାତକୁ ସାନିଟାଇଜ କରିବା ବାଧ୍ୟତାମୂଳକ କରାଯାଇଛି ।
ଭିଡ଼ ସୃଷ୍ଟି ନହେବା ପାଇଁ ଡିଜନିଲ୍ୟାଣ୍ଡର ସିଗନେଚର ପ୍ୟାରେଡ ଏବଂ ଶୋ ଗୁଡିକୁ ସ୍ଥଗିତ ରଖାଯାଇଛି । ପାର୍କରେ ପ୍ରବେଶ କରିବା ପୂର୍ବରୁ ଅନଲାଇନ ଟିକେଟ କରିବା ବାଧ୍ୟତା ମୂଳକ କରାଯାଇଛି । ବୁଥରେ ଟିକେଟ ବିକ୍ରି କରିବା ଉପରେ ନିଷେଧ ଜାରି ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
