କାବୁଲ: ଆଫଗାନିସ୍ତାନରେ ପରକୁ ପର ଲାଗି ରହିଛି ଆତଙ୍କୀ ଆକ୍ରମଣର ତାଲିକା । ସୋମବାର ଆଫଗାନିସ୍ତାନର ସୁରକ୍ଷା ବେସ ଘଜନୀ ପ୍ରାନ୍ତରେ ଏକ ତାଲିବାନୀ ଆତ୍ମଘାତୀ ବିସ୍ଫୋରଣ ହୋଇଥିଲା । ଯେଉଁଥିରେ 9 ଜଣଙ୍କ ମୃତ୍ୟୁ ହେବା ସହ 40ରୁ ଉର୍ଦ୍ଧ୍ବ ଆହତ ହୋଇଥିବା ଜଣା ପଡିଛି । ରମଜାନ ମାସରେ ନିଜର ଆତଙ୍କୀ ଆକ୍ରମଣକୁ ସ୍ବୀକାର କରିଛି ତାଲିବାନ ।
ଦୀର୍ଘ ମାସେ ହେବ ଆଫଗାନିସ୍ତାନରେ ବିଭିନ୍ନ ସମୟରେ ଆକ୍ରମଣ ଜାରି ରହିଥିବା ବେଳେ ସୋମବାର ଇସଲାମିକ ଧର୍ମର କେନ୍ଦ୍ରସ୍ଥଳ କୁହାଯାଉଥିବା ଘଜନୀ ପ୍ରାନ୍ତରେ ପୁଣି ହୋଇଛି ଆଉ ଏକ ଆତ୍ମଘାତୀ ବିସ୍ଫୋରଣ । ଏଥିରେ 9 ଜଣଙ୍କ ମୃତ୍ୟୁ ହୋଇଥିବା ନେି ବିଧିବଦ୍ଧ ଭାବେ ପ୍ରକାଶ କରିଛନ୍ତି ଅନ୍ତରୀଣ ମନ୍ତ୍ରଣାଳୟ ମୁଖପାତ୍ର ତାରିକ ଆରିଆନ । ସେପଟେ ଘଜନୀର ରାଜ୍ୟପାଳଙ୍କ ସୂଚନା ମୁତାବକ ଭୋର ପ୍ରାୟ 4.40 ମିନିଟ୍ରେ ଏକ ବିସ୍ଫୋରକ ବୋଝେଇ ଟ୍ରକରେ ହଠାତ ବିସ୍ଫୋରଣ ହୋଇଥିଲା । ଏହି ଟ୍ରକଟି ଦେଶର ମୁଖ୍ୟ ଇଣ୍ଟେଲିଜେନ୍ସ ଏଜେନ୍ସି ନ୍ୟାସନାଲ ଡାଇରେକ୍ଟୋରେଟ ଅଫ ସିକ୍ୟୁରିଟିର ମୁଖ୍ୟ ଫାଟକ ପାଖରେ ହୋଇଥିବା ସେ କହିଛନ୍ତି ।
ସେ ଏହା ମଧ୍ୟ ସ୍ପଷ୍ଟ କରିଛନ୍ତି କି ଘଟଣାରେ ଆହତ ସମସ୍ତେ ସୁରକ୍ଷାକର୍ମୀ । ତେବେ ଏହା ଏତେ ଶକ୍ତିଶାଳୀ ବିସ୍ଫୋରଣ ଥିଲା କି ଏହା ଦ୍ବାରା 2 କିଲୋମିଟର ଦୂରରେ ଥିବା ଘରର ଝରକା ମଧ୍ୟ ଭାଙ୍ଗିଯାଇଥିଲା । ଏହି ଘଟଣାରେ ପ୍ରତିକ୍ରିୟା ଦେଇ ମୁଜାହିଦ୍ଦିନ ଅଧ୍ୟକ୍ଷ ଅଶରଫ ଘାନୀ କହିଛି କି ଏହା ସଦ୍ୟ ଆରମ୍ଭ ହୋଇଥିବା ‘ଅଫେନ୍ସିଭ ଅପରେସନ’ର ଏକ ଅଂଶ । ସେପଟେ ଏହି ଘଟଣାକୁ ନେଇ ଆଫଗାନିସ୍ତାନ ସରକାର ତାଲିବାନକୁ ଦୋଷୀ କହିଥିବା ବେଳେ ଘଟଣାରେ ନିଜ ସମ୍ପୃକ୍ତିକୁ ଖଣ୍ଡନ କରିଛି ତାଲିବାନ ।
@IANS
