କଲମ୍ବୋ : ଦେଶରେ ସୋସିଆଲ୍ ମିଡିଆର ସମସ୍ତ ସାଇଟକୁ ବନ୍ଦ କରିଦେଇଛନ୍ତି ଶ୍ରୀଲଙ୍କା ସରକାର । ପ୍ରସାରଣ ମନ୍ତ୍ରାଳୟ ନେଇଛି ଏପରି ନିଷ୍ପତ୍ତି । ଯେପର୍ଯ୍ୟନ୍ତ ହିଂସା ସ୍ବାଭାବିକ ନହୋଇଛି, ସେପର୍ଯ୍ୟନ୍ତ ଏହା ଜାରି ରହିବ ବୋଲି ବିଭାଗ କହିଛି ।
ଗତ ଏପ୍ରିଲ୍ 21 ତାରିଖରେ ଘଟିଥିବା ଲୋମହର୍ଷଣ ଆକ୍ରମଣ ସମଗ୍ର ଶ୍ରୀଲଙ୍କାକୁ ଥରାଇ ଦେଇଥିଲା । ଇଷ୍ଟର ସନଡେ ଅବସରରେ ସେବିସ୍ତିଆନ୍ ଚର୍ଚ୍ଚରେ ହୋଇଥିବା ବିସ୍ଫୋରଣ ନେଇଥିଲା 250ରୁ ଉର୍ଧ୍ବ ନିରୀହ ଜୀବନ ।
ଏହି ଘଟଣା ପରେ ଶ୍ରୀଲଙ୍କାରେ ହିଂସା ଓ ଉତ୍ତେଜନା ବୃଦ୍ଧି ପାଇଛି । ଯାହାକୁ ଦୃଷ୍ଟିରେ ରଖି ପ୍ରସାରଣ ବିଭାଗ ସମସ୍ତ ସାମାଜିକ ଗଣମାଧ୍ୟମ ଓ ସୋସିଆଲ ମିଡିଆ ସାଇଟଗୁଡିକୁ ବନ୍ଦ କରିବାର ନିଷ୍ପତ୍ତି ନେଇଛନ୍ତି ।
