ଇସଲାମାବାଦ: ପାକିସ୍ତାନ ପେଶାୱାରରେ ଶିଖ ବ୍ୟକ୍ତିଙ୍କୁ ହତ୍ୟା । ହତ୍ୟାକରି ଘଟଣାସ୍ଥଳରୁ ଦୁର୍ବୃତ୍ତ ଫେରାର । ରବିବାର ସକାଳ ସମୟରେ ଘଟିଛି ଏହି ହତ୍ୟାକାଣ୍ଡ । ଚମକାନି ନିକଟରୁ ମୃତଦେହ ଉଦ୍ଧାର କରିଛି ପୋଲିସ ।
ପ୍ରାଥମିକ ତଦନ୍ତ ଅନୁସାରେ, ମୃତବ୍ୟକ୍ତି ଜଣକ ରୱିନ୍ଦର ସିଂ ବୋଲି ଜଣାପଡିଛି । ସଙ୍ଘଲ ଜିଲ୍ଲା ଖୈବର ଅଞ୍ଚଳର ରୱିନ୍ଦର ବିବାହ ପାଇଁ କିଛି ଜିନିଷ କିଣିବା ପାଇଁ ସ୍ଥାନୀୟ ମାର୍କେଟକୁ ଆସିଥିଲେ । ଏହି ସମୟରେ ତାଙ୍କ ଉପରେ ଆକ୍ରମଣ ହୋଇଥିବା ଜଣାପଡିଛି।
ଅଜଣା ଫୋନ କଲ ମାଧ୍ୟମରେ ରୱିନ୍ଦରଙ୍କ ମୃତ୍ୟୁ ଖବର ପାଇଥିଲେ ତାଙ୍କ ପରିବାର । ହତ୍ୟାକାଣ୍ଡ କୌଣସି ଶତ୍ରୁତା ଯୋଗୁଁ ହୋଇଥିବା କୁହାଯାଉଛି । ପୋଲିସ ମୃତଦେହ ଜବତ କରି ସ୍ଥାନୀୟ ହସ୍ପିଟାଲକୁ ବ୍ୟବଚ୍ଛେଦ ପାଇଁ ପଠାଇଛି ।
