ମସ୍କୋ: ଆଗକୁ ଆସୁଛି ଋଷିଆ ବିଜୟ ଦିବସ । ଏନେଇ ଋଷିଆ ପ୍ରତିରକ୍ଷା ବିଭାଗ ପକ୍ଷରୁ ଆରମ୍ଭ ହୋଇଛି ଅଭ୍ୟାସ ପରେଡ ପ୍ରସ୍ତୁତି । ତେବେ ଏହି ପ୍ରସ୍ତୁତିର ପ୍ରଥମ ଅଭ୍ୟାସ ଆଗାମୀ ଜୁନ 8ରୁ ହେବା ନେଇ ସୂଚନା ଦେଇଛନ୍ତି ସ୍ଥଳସେନା ସେନାଧ୍ୟକ୍ଷ ଜେନେରାଲ ଓଲେଗ ସାଲ୍ୟୁକୋଭ । ମେ’ 27ରୁ ଏହି ପ୍ରସ୍ତୁତି ଆରମ୍ଭ ହୋଇଛି ।
ଜୁନ 24ରେ ଏହି ପରେଡ ହେବା ନେଇ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ଘୋଷଣା ପରେ ହିଁ ପ୍ରସ୍ତୁତି ଆରମ୍ଭ ହୋଇଥିବା ସେନାଧ୍ୟକ୍ଷ ସୂଚନା ଦେଇଛନ୍ତି । ତେବେ ପ୍ରଥମ ଅଭ୍ୟାସ ଜୁନ 8ରେ ଆଲାବିନୋରେ ହେବା ପାଇଁ ତାରିଖ ନିର୍ଦ୍ଧାରଣ କରାଯାଇଛି । ଏହାପରେ ଜୁନ 17ରେ ମସ୍କୋରେ ହେବା ପାଇଁ ସ୍ଥିର ହୋଇଛି । ଏଥିସହ ଅନ୍ତିମ ଅଭ୍ୟାସ ଜୁନ 20ରେ ହେବ ବୋଲି ସ୍ଥିର କରାଯାଇଛି ।
ବାସ୍ତବରେ ମେ 9ରେ ଏହି ବିଜୟ ଦିବସ ପାଳନ କରାଯାଉଥିବା ବେଳେ ଚଳିତବର୍ଷ କୋରୋନା କାୟା ଯୋଗୁଁ ରାଷ୍ଟ୍ରପତି ପୁଟିନ ଏହାକୁ ଜୁନ 24ରେ ପାଳନ କରିବା ପାଇଁ ନିର୍ଦ୍ଦେଶ ଦେଇଛନ୍ତି । ତେବେ ଏହା 1941-1945 ଯାଏଁ ଚାଲିଥିବା ଦ୍ବିତୀୟ ବିଶ୍ବଯୁଦ୍ଧ ସମାପ୍ତିର ଏକ ପ୍ରତୀକ ।
@IANS
