ବ୍ୟାଙ୍ଗକକ୍: କୋରୋନା କବଳରୁ ଥାଇଲାଣ୍ଡବାସୀଙ୍କୁ ରକ୍ଷା କରିବା ପାଇଁ ଥାଇଲାଣ୍ଡ ସରକାରଙ୍କ ନୂଆ ପଦକ୍ଷେପ । ହଜାର କଟକଣା ସତ୍ତ୍ବେ ରାତି ହେବା ମାତ୍ରେ ଲୋକେ ଘରୁ ବାହାରି ବୁଲୁଥିବାର ଦେଖାଯାଉଥିବାରୁ କଡା ଆଭିମୁଖ୍ୟ ଗ୍ରହଣ କରିଛନ୍ତି ସରକାର । ଶୁକ୍ରବାରଠାରୁ ଲାଗୁ ହୋଇଛି ଦେଶବ୍ୟାପୀ କର୍ଫୁ । ଏନେଇ ସୂଚନା ଦେଇଛନ୍ତି ପ୍ରଧାନମନ୍ତ୍ରୀ ପ୍ରୟୁତ୍ତ-ଚାନ-ଓ-ଚା ।
ଗୁରୁବାର ଏହା ଘୋଷଣା କରାଯିବା ପରେ ଶୁକ୍ରବାର ରାତି 10ଟାରୁ ଏହି ଦେଶବ୍ୟାପୀ କର୍ଫ୍ୟୁକୁ ଲାଗୁ କରାଯିବ । ପ୍ରତିଦିନ ରାତି 10ଟାରୁ ଭୋର 4ଟା ପର୍ଯ୍ୟନ୍ତ ଏହି କର୍ଫ୍ୟୁ ଲାଗୁ ହେବ । ପୂର୍ବରୁ ଥାଇଲାଣ୍ଡରେ କୋରୋନାର ସ୍ଥିତି ନେଇ ଆପାତକାଳୀନ ସ୍ଥିତି ଘୋଷଣା ହୋଇଥିବା ବେଳେ ଗୁରୁବାର ଦେଶରେ କୋରୋନା ଆକ୍ରାନ୍ତଙ୍କ ସଂଖ୍ୟା 1875ରେ ପହଞ୍ଚିଥିଲା ।
କୋରୋନା ଆକ୍ରାନ୍ତଙ୍କ ସଂଖ୍ୟାରେ ଏପରି ବୃଦ୍ଧିକୁ ନଜରରେ ରଖି ବର୍ତ୍ତମାନ ଦେଶବ୍ୟାପୀ କର୍ଫ୍ୟୁର ଘୋଷଣା କରାଯାଇଛି ।
