ହଂକଂ: ଚୀନ ରାଷ୍ଟ୍ରୀୟ ସଙ୍ଗୀତ ‘ମାର୍ଚ୍ଚ ଅଫ ଦି ଭଲ୍ୟୁଣ୍ଟିଅର’କୁ ଅପମାନିତ କରି ଗୁରୁବାର ହଂକଂ ବିଧାନସଭାରେ ବହୁମତ ସହ ପାରିତ ହୋଇଛି ଜାତୀୟ ସଙ୍ଗୀତ ବିଲ୍। ସପକ୍ଷରେ 41 ଓ ବିପକ୍ଷରେ ମାତ୍ର ଗୋଟିଏ ମତ ସହ ଏହି ବିଲ୍ ପାରିତ ହୋଇଛି । ଏହି ନିୟମ ଆଧାରରେ କୌଣସି ବ୍ୟକ୍ତି ଜାତୀୟ ସଙ୍ଗୀତର ଅପମାନ କରୁଥିବା ଧରା ପଡିଲେ ଓ ଦୋଷୀ ସାବ୍ୟସ୍ତ ହେଲେ ତାଙ୍କୁ 6,450 ଡଲାରର ତଣ୍ଡ ସହ ଜେଲ ଦଣ୍ଡ ଦିଆଯିବାର ବ୍ୟବସ୍ଥା ହୋଇଛି ।
ସୂଚନା ମୁତାବକ ଏହି ବିଲ ପାଇଁ ମତ ଗ୍ରହଣ ପୂର୍ବରୁ ବିରୋଧୀ ବିଧାୟକ ଏକ ବୋତଲ ଭୁଲ ଗନ୍ଧଯୁକ୍ତ ବା ଭ୍ରମ ସୃଷ୍ଟି ପାଇଁ ଗନ୍ଧଯୁକ୍ତ ତରଳ ପଦାର୍ଥ ଢାଳି ବିଧାନସଭାରେ ବାଧା ସୃଷ୍ଟି କରିଥିଲେ । ଚେୟାରରେ ବସିଥିବା ସମୟରେ ଏଡ୍ଡି ଚୁ ଓ ରେମଣ୍ଡ ଚାନ ନାମକ ଦୁଇ ସମ୍ପକ୍ତ ବିଧାୟକ ହଠାତ୍ ଧାଇଁ ଯାଇ ସର୍ବସମ୍ମୁଖରେ ଏକ ଖଇରିଆ ରଙ୍ଗର ତରଳ ପଦାର୍ଥ ଢାଳିଥିଲେ । ଏହାଦ୍ବାରା ବେଶ କିଛି ସମୟ ପର୍ଯ୍ୟନ୍ତ ବିଧାନସଭା ଚାଲି ପାରିନଥିଲା । ତେବେ କିଛି ସମୟ ପରେ ଏହା ବାୟୋଫର୍ଟିଲାଇଜର ବୋଲି ସ୍ପଷ୍ଟ କରିଥିଲେ ଚୁ ।
ସେ ପ୍ରତିକ୍ରିୟା ଦେଇ କହିଥିଲେ କି ଗତ ସପ୍ତାହ ବିଧାନସଭାରେ ଶାସକ ଦଳର ବିଧାୟକ ଟେଡ ହୁଇ ମଧ୍ୟ ଏହି ସମାନ ପଦାର୍ଥର ବ୍ୟବହାର କରିଥିଲେ । ଏହା ପଚା ଷଢା ଗଛର ଅବଶିଷ୍ଟାଂଶ ମାତ୍ର । ତେବେ ଏହା କରିବା ପଛରେ ଉଦ୍ଦେଶ୍ୟ ରହିଥିଲା ଜାତୀୟ ସଙ୍ଗୀତ ବିଲ୍କୁ ବିରୋଧ ।
@IANS
