ହାଇଦ୍ରାବାଦ: କୋରୋନା ଭାଇରସ ମହାମାରୀ ଏପର୍ଯ୍ୟନ୍ତ ବିଶ୍ବର 30 ଲକ୍ଷ 64 ହଜାର 830ଜଣଙ୍କୁ ସଂକ୍ରମିତ କରିସାରିଲାଣି । ସାରା ବିଶ୍ବରେ 2 ଲକ୍ଷ11 ହଜାର 609 ରୁ ଅଧିକ ଲୋକଙ୍କର ମୃତ୍ୟୁ ଘଟିଛି। ଅନ୍ୟପକ୍ଷେ ଏପର୍ଯ୍ୟନ୍ତ 9 ଲକ୍ଷ 22ହଜାର 397 ରୁ ଅଧିକ ଲୋକ ସୁସ୍ଥ ହୋଇଛନ୍ତି।
ଚୀନରେ ପ୍ରାୟ 1000 ଲୋକ ଅଛନ୍ତି ଯେଉଁମାନେ କୋରୋନା ଭାଇରସ ପଜିଟିଭ୍ ଥିଲେ ବି ସେମାନଙ୍କ ମଧ୍ୟରେ କୌଣସି ଲକ୍ଷଣ ଦେଖାଯାଇ ନାହିଁ । ସେମାନେ ବର୍ତ୍ତମାନ ଡାକ୍ତରଙ୍କ ତତ୍ତ୍ବାବଧାନରେ ଅଛନ୍ତି ।
ଏହି ଭୂତାଣୁ କାଶ କିମ୍ବା ଛିଙ୍କର ମାଇକ୍ରୋସ୍କୋପିକ୍ ବୁନ୍ଦା ଦ୍ବାରା ବିସ୍ତାର ହୋଇଥାଏ । ଅଧିକାଂଶ ଲୋକଙ୍କ ମଧ୍ୟରେ କୋରୋନା ଭାଇରସ ସାମାନ୍ୟ କିମ୍ବା ମଧ୍ୟମ ଲକ୍ଷଣ ସୃଷ୍ଟି କରିଥାଏ, ଯେପରିକି ଜ୍ବର ଏବଂ କାଶ ଯାହା ଦୁଇରୁ ତିନି ସପ୍ତାହ ମଧ୍ୟରେ ଭଲ ହୋଇଯାଏ ।
କେତେକଙ୍କ ପାଇଁ, ବିଶେଷକରି ବୟସ୍କ ଓ ସ୍ବାସ୍ଥ୍ୟଗତ ସମସ୍ୟା ଥିବା ଲୋକଙ୍କ ପାଇଁ ଏହା ନିମୋନିଆ ଏବଂ ମୃତ୍ୟୁ ସମେତ ଅଧିକ ଗୁରୁତର ରୋଗର କାରଣ ହୋଇପାରେ ।
