ବାଗଦାଦ: ଇରାକର ରାଜଧାନୀ ବାଗଦାଦର ପୂର୍ବାଞ୍ଚଳରେ ଥିବା ବଜାରରେ ଏକ ବଡ ଧରଣର ବିସ୍ଫୋରଣ ଘଟିଛି । ଏହି ବିସ୍ଫୋରଣରେ ମୃତ୍ୟୁ ସଂଖ୍ୟା ୩୧ ଛୁଇଁଥିବା ସୂଚନା ମିଳିଛି । ଏହି ବିସ୍ଫୋରଣ ଆତଙ୍କବାଦୀଙ୍କ ଦ୍ବାରା କରାଯାଇଛି ବୋଲି ଇରାକର ସୁରକ୍ଷାକର୍ମୀମାନେ ସୂଚନା ଦେଇଛନ୍ତି ।
ଇରାକର ସାଦର ସିଟି ଜିଲ୍ଲାରେ ଏହି ବିସ୍ଫୋରଣ ଘଟିଛି । ଏହି ଅଞ୍ଚଳରେ ଅଧିକ ସଂଖ୍ୟକ ଲୋକମାନେ ବାସ କରିଥାନ୍ତି ବୋଲି ଜଣାପଡିଛି । ପୂର୍ବ ରିପୋର୍ଟ ଅନୁସାରେ ଏହି ବିସ୍ଫୋରଣରେ ୧୯ ଜଣ ନାଗରିକଙ୍କ ମୃତ୍ୟୁ ଘଟିଥିବା ବେଳେ ୫୪ ଜଣ ଗୁରୁତର ଆହତ ହୋଇଛନ୍ତି । ପୂର୍ବାଞ୍ଚଳ ବାଗଦାଦର ମାର୍କେଟ ଅଞ୍ଚଳରେ ଅଧିକ ଲୋକଙ୍କ ଭିଡ ଦେଖିବାକୁ ମିଳିଥାଏ । ଏହାକୁ ଟାର୍ଗେଟ କରି ଆତଙ୍କବାଦୀମାନେ ଆକ୍ରମଣ କରିଛନ୍ତି ।
ଏହି ବିସ୍ଫୋରଣକୁ ନେଇ ଦୁଃଖ ପ୍ରକାଶ କରିଛନ୍ତି ଇରାକ ପ୍ରଧାନମନ୍ତ୍ରୀ ମୁସ୍ତାଫା ଅଲ-କାଧିମି । ଏଭଳି ବଡ ଧରଣର ବିସ୍ଫୋରଣକୁ ରୋକିବାରେ ସାଦର ସିଟି ଜିଲ୍ଲା ମୁଖ୍ୟ ବିଫଳ ହୋଇଛନ୍ତି । ଏଥିଲାଗି ଇରାକ ପ୍ରଧାନମନ୍ତ୍ରୀ ତାଙ୍କୁ ଇସ୍ତଫା ଦେବା ପାଇଁ ସେ ନିର୍ଦ୍ଦେଶ ଦେଇଛନ୍ତି ।
@ANI
