ବେଜିଂ: ଚୀନକୁ ପୁଣି ଡରାଉଛି କୋରୋନା ସଂକ୍ରମଣ । ଦେଶରେ କୋରୋନା ସ୍ଥିତି ଧିରେ ଧିରେ ପୁଣି ଗମ୍ଭୀର ରୂପ ଧାରଣ କରିବାରେ ଲାଗିଛି । ଏନେଇ ଗତ 24 ଘଣ୍ଟା ମଧ୍ୟରେ ରାଜଧାନୀ ବେଜିଂରେ 49 ନୂଆ ମାମଲା ସାମ୍ନାକୁ ଆସିଥିବା ଦେଖାଯାଇଛି । ଏଥିମଧ୍ୟରୁ 35ଜଣ ସଂକ୍ରମିତ ବିଦେଶରୁ ଆସିଥିବା ଜମା ପଡିଛି । ଏଥିସହ 14ଟି ସ୍ଥାନୀୟ ସଂକ୍ରମଣର ମାମଲା ରହିଥିବା ମଧ୍ୟ ସ୍ପଷ୍ଟ ହୋଇଛି ।
ଚିହ୍ନଟ ହୋଇଥିବା ସମସ୍ତ ସ୍ଥାନୀୟ ସଂକ୍ରମଣ ମାମଲା ଜିନଜିଆଙ୍ଗ ୟୁଗୁର ପ୍ରାନ୍ତର ହୋଇଥିବା ଜଣା ପଡିଛି । ଏନେଇ ସୂଚନା ଦେଇଛନ୍ତି ଜାତୀୟ ସ୍ବାସ୍ଥ୍ୟ କମିଶନ । ସେ ଏହା ମଧ୍ୟ ସ୍ପଷ୍ଟ କରିଛନ୍ତି କି ବିଦେଶରୁ ଆସିଥିବା ସଂକ୍ରମିତମାନେ ଶାଙ୍ଘାଇ ଅଞ୍ଚଳରୁ ଚିହ୍ନଟ ହୋଇଛନ୍ତି । ଅନ୍ୟପଟେ ଗତ 24 ଘଣ୍ଟା ମଧ୍ୟରେ ବେଜିଂରେ 64 ଜଣ ଆକ୍ରାନ୍ତ ସୁସ୍ଥ ହୋଇଥିବା ମଧ୍ୟ ଜଣା ପଡିଛି ।
ଏଥିସହ ବର୍ତ୍ତମାନ 802ଟି ସକ୍ରିୟ ମାମଲା ରହିଛି । ସେମାନଙ୍କ ମଧ୍ୟରୁ 41 ଜଣଙ୍କ ସ୍ଥିତି ସଙ୍କଟାପନ୍ନ ରହିଛି । ତେବେ ଚୀନରେ ବର୍ତ୍ତମାନ ସୁଦ୍ଧା 84,668 ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ 4634 ଜଣଙ୍କ ମୃତ୍ୟୁ ହୋଇଛି । ସେପଟେ ଏଯାବତ୍ 79,232 ଜଣ ସୁସ୍ଥ ହୋଇଥିବା ରେକର୍ଡ କରାଯାଇଛି ।
@IANS
