କାବୁଲ: ଆଫଗାନିସ୍ତାନରେ ତାଲିବାନ ଆତଙ୍କବାଦୀ ଏବଂ ଆଫଗାନ ସୈନ୍ୟଙ୍କ ମଧ୍ୟରେ ସଂଘର୍ଷ ଥମିବାର ନାଁ ନେଉନାହିଁ । ଉଭୟ ଶାନ୍ତିବାର୍ତ୍ତା ପାଇଁ ପ୍ରୟାସ ଜାରି ରଖିଥିବା ବେଳେ ତାଲିବାନ ଆତଙ୍କବାଦୀ ବାରମ୍ବାର ଆଫଗାନ ସୁରକ୍ଷାକର୍ମୀଙ୍କ ଉପରେ ଆକ୍ରମଣ କରୁଛନ୍ତି । ଏହିକ୍ରମରେ ଶୁକ୍ରବାର ପୁଣିଥରେ ଆଫଗାନିସ୍ତାନ ସୈନ୍ୟଙ୍କୁ ଟାର୍ଗେଟ କରିଛନ୍ତି ତାଲିବାନ ଆତଙ୍କବାଦୀ ।
ଆଫଗାନିସ୍ତାନର ଜାବୁଲ ପ୍ରଦେଶର ଅରଗଣ୍ଡାବ, ସିଙ୍କଜାଇ ଏବଂ ଶାହ ଜୋଇ ଜିଲ୍ଲାରେ ଆଫଗାନିସ୍ତାନ ସୈନ୍ୟଙ୍କ ସହ ସଂଘର୍ଷରେ ଅତି କମରେ 24 ତାଲିବାନ ଆତଙ୍କବାଦୀ ନିହତ ହୋଇଛନ୍ତି । ଘଟଣାରେ ଅନ୍ୟ 27 ଜଣ ଆହତ ହୋଇଥିବା ଜଣାପଡିଛି । ତେବେ ତାଲିବାନ ଆତଙ୍କବାଦୀଙ୍କ ଆକ୍ରମଣ ପରେ ଏହି ସଂଘର୍ଷ ଆରମ୍ଭ ହୋଇଥିଲା । ସେପଟେ ତାଲିବାନ ବର୍ତ୍ତମାନ ସୁଦ୍ଧା କୌଣସି ବିବୃତ୍ତି ଦେଇନାହିଁ ।
