ବେଜିଂ: ମଧ୍ୟ ଚୀନରେ ବଡ ଧରଣର ବିସ୍ଫୋରଣ । ଗ୍ୟାସ ଟାଙ୍କି ଫାଟି 12ରୁ ଊର୍ଦ୍ଧ୍ବ ଲୋକଙ୍କ ମୃତ୍ୟୁ ହୋଇଛି । ଚୀନ ମିଡିଆ ଅନୁଯାୟୀ, ବିସ୍ଫୋରଣ ଏତେ ବଡ ଥିଲା ଯେ ପାଖାପାଖି 100ରୁ ଊର୍ଦ୍ଧ୍ବ ଗୁରୁତର ଆହତ ହୋଇଛନ୍ତି ।
ଆହତଙ୍କ ମଧ୍ୟରେ ଅନେକଙ୍କର ଅବସ୍ଥା ସଙ୍କଟାପନ୍ନ ରହିଛି । ହୁବେଇର ଝାଙ୍ଗୱାନ ଜିଲ୍ଲା ଶିୟାନ ସହରରେ ହୋଇଛି ଏହି ବିସ୍ଫୋରଣ । ସୂଚନା ଅନୁଯାୟୀ, ଜିଲ୍ଲାର ଏକ ବଜାର ସବୁଠୁ ଅଧିକ ପ୍ରଭାବିତ ହୋଇଛି ।
ବିସ୍ଫୋରଣରେ 12 ଜଣଙ୍କ ମୃତ୍ୟୁ ହୋଇଥିବା ସ୍ପଷ୍ଟ ହୋଇଛି । ଅଧିକାରୀମାନେ ତୁରନ୍ତ ଘଟଣାସ୍ଥଳରେ ପହଞ୍ଚି 150ରୁ ଊର୍ଦ୍ଧ୍ବ ଲୋକଙ୍କୁ ଉଦ୍ଧାର କରିଥିଲେ । ଏବେ ବି ଉଦ୍ଧାର କାର୍ଯ୍ୟ ଜାରି ରହିଛି ।
