କାବୁଲ: ଆଫଗାନିସ୍ତାନର ଦକ୍ଷିଣ କାନ୍ଦାହାର ପ୍ରଦେଶରେ ଏୟାର ଷ୍ଟ୍ରାଇକ ହୋଇଛି । ଏହି ଆକ୍ରମଣରେ 10 ତାଲିବାନ ଆତଙ୍କବାଦୀ ନିହତ ହୋଇଛନ୍ତି । ଏନେଇ ସ୍ଥାନୀୟ ପୋଲିସ ମୁଖପାତ୍ର ଜମାଲ ନାସିର ବାରକଜାଇ ଗୁରୁବାର ସୂଚନା ଦେଇଛନ୍ତି ।
କାନ୍ଦାହାର ପ୍ରଦେଶର ଖାକ୍ରିଜ ଜିଲ୍ଲାରେ ଗତକାଲି ରାତିରେ ଏହି ଏୟାର ଷ୍ଟ୍ରାଇକ ହୋଇଛି । ଏଥିରେ 10 ସଶସ୍ତ୍ର ତାଲିବାନ ଆତଙ୍କବାଦୀ ନିହତ ହୋଇଛନ୍ତି ।
ଏହା ବ୍ୟତୀତ କାନ୍ଦାହାର ଶାୱାଲି କୋଟ ଜିଲ୍ଲାରେ ଆଫଗାନିସ୍ତାନ ସୁରକ୍ଷା ବାହିନୀ ସହ ସଂଘର୍ଷରେ 4 ଜଣ ତାଲିବାନ ଆତଙ୍କବାଦୀ ନିହତ ହୋଇଥିଲେ । ତାଲିବାନ ବିଦ୍ରୋହୀମାନେ ସୁରକ୍ଷା ଯାଞ୍ଚ ପଏଣ୍ଟ ଉପରେ ଆକ୍ରମଣ କରିବା ପରେ ଏହି ସଂଘର୍ଷ ଆରମ୍ଭ ହୋଇଥିଲା ।
