ୱାଶିଂଟନ: ଆମେରିକାର ଦକ୍ଷିଣ ଡକୋଟାରେ ଶନିବାର ଏକ ବିମାନ ଦୁର୍ଘଟଣାରେ 9 ଜଣଙ୍କର ମୃତ୍ୟୁ ଘଟିଛି । ମୃତକଙ୍କ ମଧ୍ୟରେ ପାଇଟଲ ଏବଂ 2 ଜଣ ଶିଶୁ ମଧ୍ୟ ସାମିଲ ଅଛନ୍ତି । ଦୁର୍ଘଟଣାରେ ଅନ୍ୟ 3 ଜଣ ଗୁରୁତର ଆହତ ହୋଇଥିବା ଜଣା ପଡିଛି । ଆହତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି ।
ସୂଚନା ମୁତାବକ, ପିଲାତସ ପିସି-12 ସିଙ୍ଗଲ ଇଞ୍ଜନ ବିମାନ ଶନିବାର 12 ଜଣ ଯାତ୍ରୀଙ୍କୁ ନେଇ ଚେମ୍ବରଲେନରୁ ଇଦାହୋ ଫାଲ୍ସ ଅଭିମୁଖେ ଉଡାଣ ଭରିଥିଲା । କିନ୍ତୁ କୌଣସି କାରଣ ବଶତଃ ଟେକଅଫ କରିବାର କିଛି କ୍ଷଣ ମଧ୍ୟରେ ଦୁର୍ଘଟଣାଗ୍ରସ୍ତ ହୋଇଥିଲା ।
ତେବେ ଉଡାଣ ଭରିବା ପୂର୍ବରୁ ବିମାନକୁ ଚେମ୍ବରଲେନ ଏବଂ ମଧ୍ୟ ଦକ୍ଷିଣ ଡକୋଟାରେ ତୃଷାରପାତର ଚେତାବନୀ ଦିଆଯାଇଥିଲା । କିନ୍ତୁ ବିମାନଚାଳକ ଏହାକୁ ଅଣଦେଖା କରିଥିଲେ ବୋଲି ଜଣେ ଅଧିକାରୀ କହିଛନ୍ତି ।
