ୱାଶିଂଟନ: ଆମେରିକାର କେଣ୍ଟୁକିରେ ଥିବା ଏକ ସପିଂ ମଲ୍ରେ ସୋମବାର ଗୁଳିକାଣ୍ଡ ହୋଇଛି। ଏଥିରେ ଜଣଙ୍କ ମୃତ୍ୟୁ ଘଟିଥିବା ବେଳେ 2 ଜଣ ଆହତ ହୋଇଛନ୍ତି। ଫାୟେଟ୍ ମଲ୍ର ଏକ ଦୋକାନ ବାହାରେ ସନ୍ଧ୍ୟା ପ୍ରାୟ ଚାରିଟା ବେଳେ ଏହି ଗୁଳି ବିନିମୟ ହୋଇଥିଲା। ତେବେ ଏହି ଗୁଳି ବିନିମୟ ଏକ ସାଧାରଣ ଘଟଣା ନୁହେଁ ବୋଲି ସୋସିଆଲ ମିଡିଆରେ ପୋଲିସ ବିଭାଗ କହିଛି ।
ମଲ୍ ଭିତରେ ତିନି ଜଣଙ୍କୁ ଟାର୍ଗେଟ କରି ଗୁଳି କରାଯାଇଥିଲା । ପରେ ସେମାନଙ୍କ ମଧ୍ୟରୁ ଜଣଙ୍କୁ ମୃତ ଘୋଷଣା କରାଯାଇଥିଲା। ଏପର୍ଯ୍ୟନ୍ତ ମିଳିଥିବା ତଥ୍ୟରୁ ଏହା ଜଣାପଡିଛି ଯେ, ସମ୍ପୃକ୍ତ ବ୍ୟକ୍ତିମାନେ ପରସ୍ପରକୁ ଜାଣିଥିଲେ।
ଅଧିକାରୀମାନେ ମଲ୍ର ପ୍ରତ୍ୟେକ ଷ୍ଟୋର୍କୁ ଯାଞ୍ଚ କରିଥିବା ଜଣାପଡିଛି । ତେବେ ଗୁଳିକାଣ୍ଡ ପରେ ଆହତ ହୋଇଥିବା ତିନି ଜଣଙ୍କୁ ଡାକ୍ତରଖାନା ନିଆଯାଇଥିଲା । ସେଠାରେ ଜଣଙ୍କୁ ମୃତ ଘୋଷଣା କରାଯାଇଥିଲା ।
