ସାନ ଫ୍ରାନ୍ସିସ୍କୋ: ଆମେରିକୀୟ ଡାଟା ଷ୍ଟୋରେଜ କମ୍ପାନୀ ସିଗେଟ ଟେକ୍ନୋଲୋଜି କୋରୋନା ସମୟରେ କମ୍ପାନୀର 500 କର୍ମଚାରୀଙ୍କୁ ଛଟେଇ କରିଛି । ଅନ୍ୟ ଶବ୍ଦରେ କହିବାକୁ ଗଲେ ସାରା ବିଶ୍ବରେ 12ଟି ଦେଶରେ କମ୍ପାନୀରେ କାର୍ଯ୍ୟ କରୁଥିବା କର୍ମଚାରୀଙ୍କ ମଧ୍ୟରେ ମାତ୍ର 1 ପ୍ରତିଶତକୁ ଚାକିରୀରୁ ବହିଷ୍କାର କରାଯାଇଛି । ଏନେଇ ସିଲିକନ ଭ୍ୟାଲେ ବିଜିନେସ ଜର୍ଣ୍ଣାଲରେ ରିପୋର୍ଟ ପ୍ରକାଶ ପାଇଥିବା ବେଳେ କେଉଁ ସ୍ଥାନରୁ କର୍ମଚାରୀଙ୍କୁ ଛଟେଇ କରାଯାଇଛି ତାହା ସ୍ପଷ୍ଟ ହୋଇପାରିନାହିଁ ।
ତେବେ ଏହା ପଛରେ କାରଣ ଦର୍ଶାଯାଇ କୁହାଯାଇଛି କି, କମ୍ପାନୀ ନିଜ କାର୍ଯ୍ୟ ଦକ୍ଷତା ଓ ବର୍ତ୍ତମାନ ସମୟରେ ଲୋକଙ୍କ ଆବଶ୍ୟକତାକୁ ଦେଖି ସମସ୍ତ କାର୍ଯ୍ୟରେ କୁଶଳୀ କର୍ମଚାରୀଙ୍କୁ ଅଧିକ ସୁଯୋଗ ଦେବା ପାଇଁ ଇଚ୍ଛା ପ୍ରକାଶ କରିଛି । ବର୍ତ୍ତମାନ ସମୟରେ ମାସ କାପାସିଟି ଷ୍ଟୋରେଜ ଓ ଏଣ୍ଡ ପଏଣ୍ଟରୁ ଏଜ୍ ଟୁ କୋର ପର୍ଯ୍ୟନ୍ତ ଡାଟା ମ୍ୟାନେଜମେଣ୍ଟର ଆବଶ୍ୟକତା ରହିଥିବାରୁ ଏହାକୁ ନଜରରେ ରଖି ଏପରି ପଦକ୍ଷେପ ନିଆଯାଇଛି ।
ଆଗାମୀ ଭବିଷ୍ୟତରେ କମ୍ପାନୀର ବିକାଶକୁ ସୁଦୃଢ କରିବା ସହ କମ୍ପାନୀକୁ ଏକ ନୂଆ ସ୍ଥାନରେ ପହଞ୍ଚାଇବା ଲକ୍ଷ୍ୟ ନେଇ କର୍ମଚାରୀଙ୍କ କାର୍ଯ୍ୟ ଦକ୍ଷତା ବଢାଇବା ଦିଗରେ ଗୁରୁତ୍ବ ଦିଆଯାଉଛି । ସେହିପରି ଅନ୍ୟ ଏକ ଷ୍ଟୋରେଜ କମ୍ପାନୀ ହିତାଚୀ ଭାନତାରା ମଧ୍ୟ ନିଜ 151 ଜଣ କର୍ମଚାରୀଙ୍କୁ ଛଟେଇ କରିଥିବା ଜଣା ପଡିଛି ।
@IANS
