ସାନଫ୍ରାନ୍ସିସ୍କୋ: ମାଇକ୍ରୋସଫ୍ଟ ଖୁବଶୀଘ୍ର ଲଞ୍ଚ କରିବାକୁ ଯାଉଛି ଫୋଲ୍ଡେବୁଲ ସ୍ମାର୍ଟଫୋନ ସରଫେସ ଡୁଓ । ଜୁଲାଇ ଶେଷ ସୁଦ୍ଧା ଏହି ସ୍ମାର୍ଟଫୋନ ଲଞ୍ଚ ହେବାକୁ ଥିବା ବେଳେ ପ୍ରାଥମିକ ପର୍ଯ୍ୟାୟରେ ଏଥିରେ ଆଣ୍ଡଏଡ 10 ରହିବାର ଯୋଜନା ରହିଛି । ଯାହାକୁ ପରବର୍ତ୍ତୀ ସମୟରେ ଆଣ୍ଡ୍ରଏଡ 11କୁ ପରିବର୍ତ୍ତନ କରାଯିବା ନେଇ ସ୍ପଷ୍ଟ ହୋଇଛି ।
ଏଦିଗରେ ମାଇକ୍ରୋସଫ୍ଟ ନିଜ କାର୍ଯ୍ୟ ଜାରି ରଖିଥିବା ବେଳେ ଲଞ୍ଚ ହେବାକୁ ଥିବା ଡୁଆଲ ସ୍କ୍ରିନ ଡିଭାଇସରେ ଏହାକୁ ଖୁବ ଶୀଘ୍ର ରୋଲ ଆଉଟ କରିବାର ଯୋଜନା ରଖିଛି । ଆଣ୍ଡ୍ରଏଡର ଏହି ନୂଆ ଭର୍ସନ ସେପ୍ଟେମ୍ବର ସୁଦ୍ଧା ସ୍ପଷ୍ଟ ହେବ ଏବଂ ଏହି ସମୟରେ ସରଫେସ ଡୁଓରେ ଏହାକୁ ରୋଲ ଆଉଟ କରିବ ମାଇକ୍ରୋସଫ୍ଟ । ତେବେ ରିପୋର୍ଟ ମୁତାବକ ଏହି ଟେକ ଜାଏଣ୍ଟ ସରଫେସ ଡୁଓର ଏଜ୍ ଓ ଆଉଟଲୁକକୁ ଅଧିକ ଆକର୍ଷଣୀୟ କରିବା ପାଇଁ ସମସ୍ତ ସମ୍ଭବ ଚେଷ୍ଟା କରୁଛି ।
ସରଫେସ ଡୁଓରେ କ୍ବାଲକମ ସ୍ନାପଡ୍ରାଗନ 855 SoC, 6 ଜିବି ର୍ୟାମ ସହ 64 ଜିବି ଓ 256 ଜିବି ଷ୍ଟୋରେଜର ଦୁଇଟି ଭାରିଏଣ୍ଟ ରହିବ । ଏଥିରେ 11ଏମପିର ଏକ ସିଙ୍ଗଲ କ୍ୟାମେରା ରହିବ, ଯାହା ଉଭୟ ଫ୍ରଣ୍ଟ ଓ ରିଅର କ୍ୟାମେରା ଆକାରରେ ବ୍ୟବହାର ହେବ । ଏଥିସହ ଏଥିରେ 5.6 ଇଞ୍ଚର ଦୁଇଟି ଆମୋଲେଡ ଡିସପ୍ଲେ ରହିବ । ବ୍ୟାଟେରୀ ବ୍ୟାକଅପ 3460ଏମଏଏଚ ସହ ଏଥିରେ ୟୁଏସବି-ସି ଫାଷ୍ଟ ଚାର୍ଜିଂ ବ୍ୟବସ୍ଥା ରହିବ ।
@IANS
