ସାନ ଫ୍ରାନ୍ସିସ୍କୋ: ବର୍ତ୍ତମାନ ସମୟରେ ବଢିବାରେ ଲାଗିଛି ଗ୍ରୁପ କଲ ବା ଭିଡିଓ କନଫରେନ୍ସର ଚାହିଦା । ଏମିତିରେ ସମସ୍ତ ଭିଡିଓ କନଫରେନ୍ସିଂ ଆପ୍ ମଧ୍ୟରେ ଜୋର ଧରିଛି ଟକ୍କର । ଏହି ପ୍ରତିଯୋଗିତାରେ ମାଇକ୍ରୋସଫ୍ଟର ମିଟ୍ ନାଓ ଆପ୍କୁ ଅଧିକ ଆକର୍ଷଣୀୟ କରିବା ପାଇଁ କମ୍ପାନୀ ଏଥିରେ କିଛି କୁଲ ଆଡିସନ କରିଥିବା ପ୍ରକାଶ କରିଛି । ଏହି କ୍ରମରେ ଏବେ ଟିମ୍ସର ନୂଆ ଫ୍ରି ଭର୍ସନ ଆସିଥିବା କମ୍ପାନୀ କହିଛି ।
ଏହି ଫ୍ରି ଭର୍ସନର ବ୍ୟବହାର କରି ବର୍ତ୍ତମାନ ୟୁଜର୍ସ ମିଟିଂ ଆୟୋଜନ କରିପାରିବେ ଓ ନିଜ ଇଚ୍ଛା ମୁତାବକ ଲୋକଙ୍କୁ ଆଗୁଆ ଇନଭିଟେସନ ପଠାଇ ପାରିବେ । ଏଥିପାଇଁ ମିଟିଂର ଲିଙ୍କ କପି କରି ଅନ୍ୟଙ୍କୁ ପଠାଯାଇପାରେ କିମ୍ବା ଆଉଟଲୁକ ବା ଗୁଗୁଲ କ୍ୟାଲେଣ୍ଡର ଦ୍ବାରା ଅଫିସିଆଲ ଇନଭିଟେସନ ମଧ୍ୟ ପଠାଯାଇପାରେ । ଏନେଇ ଅନେକ ଦିନ ଧରି ୟୁଜର୍ସମାନ ଇଚ୍ଛା ପ୍ରକାଶ କରିଥିବା ବେଳେ ଶନିବାର ଏହାକୁ ବ୍ୟବହାର କରିବା ପାଇଁ କମ୍ପାନୀ ଫିଚର ଆକାରରେ ଏହି ସୁବିଧା ରୋଲ ଆଉଟ କରିଛି ।
ତେବେ ଟିମ୍ସ ଫ୍ରିର ୟୁଜର୍ସମାନେ ନିଜ କଲ ସମୟରେ ଚାହିଁଲି ଲାଇଭ କ୍ୟାପ୍ସନ ଅନ କରିପାରିବେ । କେବଳ ସେତିକି ନୁହେଁ ନିଜ ମିଟିଂକୁ ଅଧିକ ଜୀବନ୍ତ ଓ ଆକର୍ଷଣୀୟ କରିବା ପାଇଁ ଆପଣ ଚାହିଁଲେ ବ୍ୟାକଗ୍ରାଉଣ୍ଡ ଇମେଜର ମଧ୍ୟ ବ୍ୟବହାର କରିପାରିବେ । ମାଇକ୍ରୋସଫ୍ଟ ସୋଲିଟାରୀ ବ୍ୟାକଗ୍ରାଉଣ୍ଡ ସହ ଅନ୍ୟ 20ଟି ଇମେଜକୁ କମ୍ପାନୀ ଡିଜାଇନ କରିଛି । ତେବେ ଏହି ଇମେଜ ଜରିଆରେ ଏଲଜିବିଟିକ୍ୟୁକୁ କମ୍ପାନୀ ନିଜର ସମର୍ଥନ ଦର୍ଶାଇଛି ।
ସେପଟେ ଗତବର୍ଷ କମ୍ପାନୀ କଲ ସମୟରେ ୟୁଜର୍ସଙ୍କ ବ୍ୟକ୍ତିଗତ ଜୀବନକୁ ସୁରକ୍ଷିତ ରଖିବା ପାଇଁ ବ୍ୟାକଗ୍ରାଉଣ୍ଡ ବ୍ଲର ଅପ୍ସନ ରୋଲ ଆଉଟ କରିଥିଲା । ଯାହାକୁ ୟୁଜର୍ସ ଖୁବ ପସନ୍ଦ କରିଥିବା ଦେଖାୟାଇଥିଲା । ଆଗକୁ ଏହି ନୂଆ ଟିମ୍ସ ଫ୍ରିକୁ ମଧ୍ୟ ୟୁଜର୍ସ ସେମିତି ପସନ୍ଦ କରିବେ ବୋଲି କମ୍ପାନୀ ଆଶାବାଦୀ ।
@IANS
