ବ୍ରାସିଲିଆ: ବ୍ରାଜିଲରେ ଭୟଙ୍କର ପରିସ୍ଥିତି । ସାଓ ପାଉଲୋରେ ପ୍ରବଳ ବର୍ଷା ହେତୁ ବନ୍ୟା ପରିସ୍ଥିତି ଏବଂ ଭୂସ୍ଖଳନ ହୋଇଛି । ପାଖାପାଖି 18 ଜଣଙ୍କର ମୃତ୍ୟୁ ଘଟିଛି ବୋଲି ରାଜ୍ୟପାଳ ଜୋଆ ଡୋରିଆ ସୂଚନା ଦେଇଛନ୍ତି । ଡୋରିୟା କହିଛନ୍ତି, ପ୍ରବଳ ବର୍ଷା ଯୋଗୁଁ ହୋଇଥିବା ଧନଜୀବନ ନଷ୍ଟକୁ ନେଇ ମୁଁ ବହୁତ ଦୁଃଖିତ । 18 ପୀଡିତାର ପରିବାର ଏବଂ ବନ୍ଧୁମାନଙ୍କ ସହ ଆମେ ଅଛୁ ବୋଲି କହିଛନ୍ତି ରାଜ୍ୟପାଳ ।
ସେପଟେ ଉଦ୍ଧାର କାର୍ଯ୍ୟ ଜାରି ରହିଛି । ପ୍ରଭାବିତ ଲୋକଙ୍କୁ ସାହାଯ୍ୟ କରିବା ପାଇଁ ସମସ୍ତ ପ୍ରସ୍ତୁତି ଚାଲିଛି ବୋଲି କହିଛନ୍ତି ରାଜ୍ୟପାଳ । ମୃତଙ୍କ ମଧ୍ୟରେ ୧୧ ଜଣ ବୟସ୍କ ଓ ୭ ଜଣ ଶିଶୁ ଥିବା ଜଣାପଡିଛି । ପ୍ରାୟ 500 ପରିବାର ତାଙ୍କ ଘର ହରାଇଛନ୍ତି । ମୃତ୍ୟୁମାନେ ଫ୍ରାନ୍ସିସ୍କୋ ମୋରାଟୋ, ଫ୍ରାଙ୍କୋ ଡା ରୋଚା, ଭର୍ଜିଆ ପାଉଲିସ୍ତା, ଆରୁଜା, ଏବଂ ଏମ୍ବୁ ଦାସ ଆର୍ଟେସ୍, ସାଓ ପାଉଲୋର ମହାନଗର ନିଗମରେ ଏବଂ ରିବିରାଓ ପ୍ରିଟୋ ସହରର ବୋଲି ରେକର୍ଡ କରାଯାଇଛି ।
ସାଓ ପାଉଲୋର ମେଟ୍ରୋପଲିଟାନ ଅଞ୍ଚଳରେ ପ୍ରବଳରୁ ଅତି ପ୍ରବଳ ବର୍ଷା ହେବାକୁ ଲାଗିଲା । ଏହାପରେ ରବିବାର ସକାଳୁ ଅନେକ ଘର ଭୁଶୁଡିବାକୁ ଲାଗିଲା । ଜଣେ ଦମ୍ପତିଙ୍କ ସମେତ ତାଙ୍କ ତିନି ଶିଶୁଙ୍କର ମୃତ୍ୟୁ ହୋଇଛି । ଜୁକେରି ନଦୀ ଏବଂ ରିବିରାଓ ଇଉସେବିଓ ସ୍ରୋତ ପ୍ରବାହିତ ହେବାପରେ ଫ୍ରାଙ୍କୋ ଡା ରୋଚା ସହରରେ ବନ୍ୟା ପରିସ୍ଥିତି ସୃଷ୍ଟି ହୋଇଥିଲା । ରାସ୍ତ ମଝିରେ ବଡ ବଡ ଖାଲ ସୃଷ୍ଟି ହୋଇଥିଲା ।
@IANS
