ଲିମା: ପେରୁରେ ମର୍ମନ୍ତୁଦ ସଡକ ଦୁର୍ଘଟଣା । ଏଥିରେ ୨୯ ଯାତ୍ରୀଙ୍କ ମୃତ୍ୟୁ ଘଟି ଥିବାବେଳେ ଏକାଧିକ ଲୋକ ଗୁରୁତର ଆହତ ହୋଇଛନ୍ତି । ଏକ ଯାତ୍ରୀବାହୀ ବସ୍ ଭାରସାମ୍ୟ ହରାଇ ପାହାଡରେ ବାଡେଇ ହେବା ଫଳରେ ଦୁର୍ଘଟଣା ଘଟିଛି । ପ୍ରାଥମିକ ସୂଚନା ଅନୁଯାୟୀ ଆଜି(ବୁଧବାର) ଭୋର ୪ଟା ସମୟରେ ରାଜଧାନୀ ଲିମାରୁ ହୁଆନୁକୋ ଯାଉଥିବା ଏକ ଯାତ୍ରୀବାହୀ ବସ୍ ଦୁର୍ଘଟଣା ଗ୍ରସ୍ତ ହୋଇଛି ।
ଭାରସାମ୍ୟ ହରାଇ ବସଟି ଏକ ପାହାଡରେ ପିଟିହେବା ପରେ ରୀମାକ ନଦୀର ୧୦୦ ଫୁଟ୍ ତଳକୁ ଖସିପଡିଛି । ଫଳରେ ଘଟଣାସ୍ଥଳରେ ୨୯ ଜଣ ଯାତ୍ରୀଙ୍କ ମୃତ୍ୟୁ ଘଟିଛି । ଏକାଧିକ ଯାତ୍ରୀ ଆହତ ହୋଇଛନ୍ତି । ସମସ୍ତଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି ।
ଦୁର୍ଘଟଣାର ସଠିକ୍ କାରଣ ପାଇଁ ତଦନ୍ତ ଜାରି ରହିଥିବା ପୋଲିସ କହି ଥିବାବେଳେ ବସଟି ଦ୍ରୁତ ଗତିରେ ଥିବାରୁ ଏପରି ଏକ ମର୍ମନ୍ତୁଦ ଦୁର୍ଘଟଣା ଘଟିଥିବା କହିଛି ପରିବହନ ବିଭାଗ ।
@ANI
