ୱାସିଂଟନ୍: ଆମେରିକା ଆଲାସ୍କାରେ ବିମାନ ଦୁର୍ଘଟଣା । ଏଥିରେ 5 ମୃତ, ଜଣେ ଆହତ। ଏହି ଭୟଙ୍କର ଦୁ୍ର୍ଘଟଣା ଆଲାସ୍କା ଷ୍ଟେଟ ଟ୍ରୁପର୍ସ ଆଙ୍କୋରେଜ୍ ନିକଟରେ ଥିବା ନିକ୍ ଗ୍ଲାସିଅର ନିକଟରେ ଘଟିଛି।
ତେବେ ଖବର ପାଇ ଅନୁସନ୍ଧାନକାରୀମାନେ ଦୁର୍ଘଟଣାଗ୍ରସ୍ତ ସ୍ଥାନରେ ପହଁଞ୍ଚିଥିବା ସହ ଜଣେ ଆହତ ବ୍ୟକ୍ତିଙ୍କୁ ଉଦ୍ଧାର କରିଥିଲେ। ଉଦ୍ଧାର ବ୍ୟକ୍ତି ଜଣକ ଗୁରୁତର ଥିଲେ ଅବସ୍ଥା ସ୍ଥିର ଥିବା ଜଣାଯାଇଛି। ରବିବାର ଟ୍ରୁପର ରିପୋର୍ଟରୁ ଏହା ସ୍ପଷ୍ଟ ହୋଇନାହିଁ ଯେ ହେଲିକପ୍ଟରଟି ଗ୍ଲେସିୟର ଉପରେ କିମ୍ବା ପାଖରେ ପଡିଛି କି ନାହିଁ। ପାଇଲଟ ଏବଂ ଯାତ୍ରୀଙ୍କ ପରିଚୟ ଜଣାପଡିନାହିଁ। ପୀଡିତଙ୍କ ପରିବାର ବିଷୟରେ ବିଜ୍ଞପ୍ତି ଏପର୍ଯ୍ୟନ୍ତ ହସ୍ତଗତ ହୋଇନାହିଁ ବୋଲି ଟ୍ରୁପର ମୁଖପାତ୍ର ଅଷ୍ଟିନ ମ୍ୟାକଡାନେଲ କହିଛନ୍ତି।
ସୈନ୍ୟବାହିନୀ, ଆଲାସ୍କା ଆର୍ମି ନ୍ୟାସନାଲ ଗାର୍ଡ ଏବଂ ଆଲାସ୍କା ମାଉଣ୍ଟେନ୍ ରେସକ୍ୟୁ ଗ୍ରୁପ୍ ଦ୍ୱାରା ପୁନରୁଦ୍ଧାର କାର୍ଯ୍ୟ କରାଯାଇଥିଲା। ଫେଡେରାଲ୍ ଆଭିଏସନ୍ ଆଡମିନିଷ୍ଟ୍ରେସନ ସୋମବାର ସକାଳ ପର୍ଯ୍ୟନ୍ତ ଏହି ଅଞ୍ଚଳରେ ଅସ୍ଥାୟୀ ବିମାନ ପ୍ରତିବନ୍ଧକ ଲଗାଇଛି। ଜାତୀୟ ପରିବହନ ସୁରକ୍ଷା ବୋର୍ଡ ଏହି ଦୁର୍ଘଟଣାର ତଦନ୍ତ କରୁଛି।
